Psalms 42

¹ As a deer dey hungry for cool water wey dey stream, na so I dey hungry for you, O God.

² I dey thirst for you, the living God; when I fit go worship for your presence?

³ I dey cry day and night, and tears na my only food; all the time my enemy dey ask me say, “Where your God?’’

⁴ My heart dey break when I remember the past, when I commot with plenty people go house of God and lead them as dem waka follow me, plenty people wey dey happy, dem dey sing and shout praise give God.

⁵ Why I dey sad? Why I dey worry? I go put my hope in God, and I go praise him once again, my savior and my God.

⁶ My heart dey break for the strange land wey I dey, and I con turn my thinking to him. He don send wave of sorrow to my soul;

⁷ confusion dey shout for me like flood, like sound of waterfall wey dey sound like thunder down to Jordan from Mount Hermon and Mount Mizar.

⁸ Make God show him love wey dey constant during the day, so that I go fit get song for night, and prayer to God wey get my life.

⁹ To God, wey be my defender, I talk say, “Why you just forget me? Why I go just dey suffer from the bad thing wey my enemy dey do me?

¹⁰ I don dey for pain by their insult, as dem just continue dey ask me say, “Where your God?”

¹¹ Why I con dey sad? Why I con dey worry? I go put my hope in God, and once again I go praise him, my savior and my God.