Psalms 142

¹ I dey call the LORD for help; I dey beg him.

² I bring all my complain to him; I tell him all my trouble.

³ When I ready to give up, he know wetin I suppose do. My enemy don hide trap for me for road wey I dey waka.

⁴ When I look beside me, I see say nobody dey to help me, nobody dey to protect me. Nobody care for me.

⁵ LORD, I dey cry to you for help; LORD, na you be my protector; na you be all I want in this life.

⁶ Hear as I dey cry for help, because I don sink inside pain. Save me from my enemy; dem too strong for me.

⁷ Free me from suffer; then I go praise you for where your people dey gather because you don do good to me.