Jeremiah 27

¹ Soon after Zedekiah son of Josiah become king for Judah, God tell me

² Make I make a yoke out of leather belt and wooden crossbar for myself and make I put am for my neck.

³ Then God tell me make I send a message to the kings of Edom, Moab, Ammon, Tyre, and Sidon through their ambassadors wey don come Jerusalem to see king Zedekiah.

⁴ The LORD Almighty, the God of Israel, tell me make I command them to tell their kings that the LORD don talk say:

⁵ Na my great power and strength I take create the world, human race, and all the animal wey dey live for earth; and I give am to anyone wey I choose.

⁶ Na me be the one wey don put all these people under power of my servant, king Nebuchadnezzar of Babylonia and I don even make wild animal serve him.

⁷ All nation go serve him, and dem go serve him son and him grandson until the time come for him nation to fall. Then him nation go serve powerful nation and great kings.

⁸ “But if any nation or kingdom no gree summit to him rule, then I go punish that nation with war, hunger, and disease until I don allow Nebucadnezzar destroy am completely.

⁹ Make una no listen to una prophets or anyone wey talk say he fit tell wetin go happen for future, either by dream or by calling spirit of dead or by magic. Dem all tell una say make una no summit to king of Babylonia.

¹⁰ Dem dey deceive una and curse una to be taken go far away from una country. I go drive una commot, and una go perish.

¹¹ But if any nation summit to king of Babylonia and serve him, then I go allow am stay for hin own land, to farm am and live for there. I, the LORD, don talk.”

¹² Na the same thing I tell king Zedekiah of Judah, “Make you summit to king of Babylonia. Make you serve him and him people, and you go live.

¹³ Why you and your people go die for war or hunger or disease? Na wetin God don talk say go happen to any nation wey no summit to king of Babylonia be that.

¹⁴ Make una no listen to prophet wey tell una say make una no surrender to him. Dem dey deceive una.

¹⁵ God himself don talk say him no send them and say dem dey use him name lie to una. So he go drive una commot, and una go die, una and the prophets wey dey lie to una.”

¹⁶ Then I tell the priest and the people say God don talk say: “Make una no listen to the prophet wey talk say the temple treasure go soon come back from Babylonia. Dem dey lie.

¹⁷ Make una no listen to them! Make una summit to king of Babylonia and una go live! Why this city go turn wasteland?

¹⁸ If dem be prophet for real and if dem have my message, make dem ask me, the LORD Almighty say, make I no allow make dem take the treasure wey dey the Temple and royal palace go Babylonia.”

¹⁹ When king Nebuchadnezzar take away king of Judah, Jehoiachin of of Jehoiakim, and leaders of Judah and Jerusalem go Babylonia.

²⁰ He leave the pillar, the bronze tank, the wagon, and some of the other temple treasures for Jerusalem}.

²¹ “Make una listen to wetin I, the LORD Almighty, the God of Israel, talk about the treasure wey remain inside Temple and inside royal palace of Jerusalem:

²² Dem go take them go Babylonia and dem go remain for there until I turn my attention to them. Then I go bring them back and I go put them back in this place. I, the LORD, don talk.”