Daniel 11

¹ Na him dey responsible to dey help and to dey defend me.

² And the angel talk say, wetin I wan tell you now na true." "Three more kings go rule over Persia, follow by the fourth one wey go rich pass others. And he go challenge the kingdom of Greece because of the height of him power and wealth.

³ Then one powerful king go appear. He go rule over large empire and go dey do anything wey he like.

⁴ But as he get power reach him kingdom go break up and go dey divided into four part. Kings wey no come from him go rule for him place, but dem no go get the kind power wey he get.

⁵ "The king of Egypt go dey strong. One of him general go even dey stronger and go rule greater kingdom.

⁶ And after some years Egypt king go unite with king of Syria wey go give am him daughter for marriage. But the agreement no go last, and she, her husband, her pikin, and the servant wey follow her, dem go kill all of dem.

⁷ Later, one of her relative go become king. He go attack the army of Syria king, he go enter their strong place and go defeat dem.

⁸ He go carry the image of their god and the article of gold and silver wey dem dedicate for the god go Egypt. After plenty years of peace.

⁹ the king of Syria go enter Egypt, but dem go force am to surrender.

¹⁰ "The son of king of Syria go prepare for war and go gather plenty army. One of dem go be like flood and go attack the strong wall of the enemy.

¹¹ King of Egypt go comot as he dey vex go war against the king of Syria and he go capture him plenty army.

¹² He go dey proud of him victory and of the plenty soldier wey he don kill, but he no go continue to dey win.

¹³ "The king of Syria go come go back go gather plenty army pass wetin he get before. When the time don reach, he go come back with army wey get plenty weapon.

¹⁴ Then many people go rebel against king of Egypt. And some wey get strong head from your nation, Daniel, go rebel because of the vision wey dem don see, but dem go lose.

¹⁵ So the king of Syria go block the strong city wall and capture am. The soldier of Egypt no go continue to dey fight; even the best of dem no go get the strength.

¹⁶ The northern king go enter Syria and go do to dem as he like, and no one go fit stop am. He go stand for promise land and go get everything for him power.

¹⁷ "The king of Syria go plan use all him army, and then, in other to destroy him enemy kingdom, he go try make peace with am, give am him daughter for marriage; but him plan no go work.

¹⁸ After that he go attack the nation wey dey beside sea and go conquer many of them. But leader from another place go defeat am and go stop all him strong head; in fact he go turn the strong head of king of Syria back on am.

¹⁹ The king go return to him city strong wall, but dem go still beat am, and na that go be him end.

²⁰ "Another king go follow am wey go send officer to dey oppress people with taxes, so that he go fit increase the wealth of him kingdom. E no go take time wey that king go die, but e no go be for public or for battle."

²¹ The angel continue to dey explain say: "The next king of Syria go be evil man wey no get right to be king, but he go come when dem no want am and he go collect the power with lie.

²² Anybody wey dey against am he go destroy, and e go remove God chosen High Priest.

²³ And by making agreement, he go deceive other nation, and he go grow stronger and stronger even though say na small nation he dey rule.

²⁴ He go enter wealthy province without warning and he go do wetin any of him ancestor never do before. Then he go share among him followers the goods and property wey he don capture for war. He go make plan to attack the strong walls, but him time go soon finish.

²⁵ "He go boldly raise large army make dem attack king of Egypt, wey go prepare to fight back with plenty and powerful army. But king of Egypt go dey deceived and no go succeed.

²⁶ Him close advisor go destroy am. Dem go kill many of him soldier and go destroy plenty of him army.

²⁷ Then the two king go sit down to chop for the same table, but their plan go be evil, and dem go lie to each other. Dem no go get wetin dem want, because the time never reach.

²⁸ The king of Syria go con go back home with all the treasure wey he don take, and determine say he go destroy the religion of people of God. He go do as he like and go back to him own land.

²⁹ "Later he go enter Egypt, but this time thing no go be the same.

³⁰ The romans go come in ship and go attack am and he go fear. And then he go vex turn back go him country and go try destroy the religion of God people as he go dey follow the advice of those wey don abandon the religion.

³¹ Some of him soldier go spoil the Temple. Dem go stop the daily sacrifice and go set up terrible things wey dey cause destruction.

³² The king go win the support of those wey don abandon their religion by deceit but those wey follow God go fight back.

³³ Wise leaders of the people go share their wisdom among others. But for some time, dem go kill some of these leaders with sword or burn dem alive or make dem go rob some of dem and throw them for prison.

³⁴ As the killing dey go on, God people go receive little help, even though say many wey join them na for their own benefit.

³⁵ Some of those wise leader go die, but people go dey pure for this reason. This go dey happen until the end go come , the time wey God don plan.

³⁶ The king of Syria go dey do as he like. He go dey boast say him great pass any other god, say he even dey superior to the Supreme God. He go continue to dey do this until God punish am. God go do as he don plan.

³⁷ The king go ignore the God wey him ancestor serve and also the God wey women love, in fact, he go ignore any god because he think say he great pass any of them.

³⁸ Instead he go protect the god wey dey protect the strong wall. He go offer gold, silver, jewels, and other rich gift for the god wey his ancestor no dey worship.

³⁹ To defend him wall, he go use people wey dey worship foreign god. He go honor those wey accept am as ruler and go put dem for high office and he go give dem land as reward.

⁴⁰ "When the king of Syria final hour don almost reach, the king of Egypt go attack am, and the king of Syria go fight back with all him power and e go use chariot, horses, and many ship. He go attack many country like water of flood.

⁴¹ He go even attack the promise land and go kill tens of thousands, but the country of Edom, Moab, and wetin remain for Ammon go escape.

⁴² When he attack those country, even Egypt no go remain.

⁴³ He go take away the treasure of gold and silver and other prized possession wey Egypt dey hide. He go conquer Libya and Ethiopia.

⁴⁴ And then the news wey come from east and north go make am fear, and he go vex, kill plenty people.

⁴⁵ He go even set up him large royal tent between the sea and mountain on top where the Temple dey stand. But he go die and no one for there go help am."