Psalms 119 - Listen Online
Read Psalms 119
1 IBUKÚN ni fun awọn ẹniti o pé li ọ̀na na, ti nrìn ninu ofin Oluwa.
1 Blessed are the undefiled in the way, who walk in the law of the LORD.
2 Ibukún ni fun awọn ti npa ẹri rẹ̀ mọ́, ti si nwá a kiri tinu-tinu gbogbo.
2 Blessed are they that keep his testimonies, and that seek him with the whole heart.
3 Nwọn kò dẹṣẹ pẹlu: nwọn nrìn li ọ̀na rẹ̀.
3 They also do no iniquity: they walk in his ways.
4 Iwọ ti paṣẹ fun wa lati pa ẹkọ́ rẹ mọ́ gidigidi.
4 Thou hast commanded us to keep thy precepts diligently.
5 Ọ̀na mi iba jẹ là silẹ lati ma pa ilana rẹ mọ́!
5 O that my ways were directed to keep thy statutes!
6 Nigbana li oju kì yio tì mi, nigbati emi ba njuba aṣẹ rẹ gbogbo.
6 Then shall I not be ashamed, when I have respect unto all thy commandments.
7 Emi o ma fi aiya diduro-ṣinṣin yìn ọ, nigbati emi ba ti kọ́ idajọ ododo rẹ.
7 I will praise thee with uprightness of heart, when I shall have learned thy righteous judgments.
8 Emi o pa ilana rẹ mọ́: máṣe kọ̀ mi silẹ patapata.
8 I will keep thy statutes: O forsake me not utterly.
9 Nipa ewo li ọdọmọkunrin yio fi mu ọ̀na rẹ̀ mọ́? nipa ikiyesi gẹgẹ bi ọ̀rọ rẹ.
9 Wherewithal shall a young man cleanse his way? by taking heed thereto according to thy word.
10 Tinu-tinu mi gbogbo li emi fi ṣe afẹri rẹ: máṣe jẹ ki emi ṣina kuro ninu aṣẹ rẹ.
10 With my whole heart have I sought thee: O let me not wander from thy commandments.
11 Ọ̀rọ rẹ ni mo pamọ́ li aiya mi, ki emi ki o má ba ṣẹ̀ si ọ.
11 Thy word have I hid in mine heart, that I might not sin against thee.
12 Olubukún ni iwọ, Oluwa: kọ́ mi ni ilana rẹ.
12 Blessed art thou, O LORD: teach me thy statutes.
13 Ẹnu mi li emi fi nsọ gbogbo idajọ ẹnu rẹ.
13 With my lips have I declared all the judgments of thy mouth.
14 Emi ti nyọ̀ li ọ̀na ẹri rẹ, bi lori oniruru ọrọ̀.
14 I have rejoiced in the way of thy testimonies, as much as in all riches.
15 Emi o ma ṣe àṣaro ninu ẹkọ́ rẹ emi o si ma juba ọ̀na rẹ.
15 I will meditate in thy precepts, and have respect unto thy ways.
16 Emi o ma ṣe inu-didùn ninu ilana rẹ: emi kì yio gbagbe ọ̀rọ rẹ.
16 I will delight myself in thy statutes: I will not forget thy word.
17 Fi ọ̀pọlọpọ ba iranṣẹ rẹ ṣe, ki emi ki o le wà lãye, ki emi ki o le ma pa ọ̀rọ rẹ mọ́.
17 Deal bountifully with thy servant, that I may live, and keep thy word.
18 Là mi li oju, ki emi ki o le ma wò ohun iyanu wọnni lati inu ofin rẹ.
18 Open thou mine eyes, that I may behold wondrous things out of thy law.
19 Alejo li emi li aiye: máṣe pa àṣẹ rẹ mọ́ fun mi.
19 I am a stranger in the earth: hide not thy commandments from me.
20 Aiya mi bù nitori ifojusọna si idajọ rẹ nigbagbogbo.
20 My soul breaketh for the longing that it hath unto thy judgments at all times.
21 Iwọ ti ba awọn agberaga wi, ti a ti fi gégun, ti o ti ṣina kuro nipa aṣẹ rẹ.
21 Thou hast rebuked the proud that are cursed, which do err from thy commandments.
22 Mu ẹ̀gan ati àbuku kuro lara mi; nitoriti emi ti pa ẹri rẹ mọ́.
22 Remove from me reproach and contempt; for I have kept thy testimonies.
23 Awọn ọmọ-alade joko pẹlu, nwọn nsọ̀rọ mi: ṣugbọn iranṣẹ rẹ nṣe àṣaro ninu ilana rẹ:
23 Princes also did sit and speak against me: but thy servant did meditate in thy statutes.
24 Ẹri rẹ pẹlu ni didùn-inu mi ati ìgbimọ mi.
24 Thy testimonies also are my delight and my counsellors.
25 Ọkàn mi lẹ̀ mọ́ erupẹ: iwọ sọ mi di ãye gẹgẹ bi ọ̀rọ rẹ.
25 My soul cleaveth unto the dust: quicken thou me according to thy word.
26 Emi ti rohin ọ̀na mi, iwọ si gbohùn mi: mã kọ́ mi ni ilana rẹ.
26 I have declared my ways, and thou heardest me: teach me thy statutes.
27 Mu oye ọ̀na ẹkọ́ rẹ ye mi: bẹ̃li emi o ma ṣe aṣaro iṣẹ iyanu rẹ.
27 Make me to understand the way of thy precepts: so shall I talk of thy wondrous works.
28 Ọkàn mi nrọ fun ãrẹ̀: iwọ mu mi lara le gẹgẹ bi ọ̀rọ rẹ.
28 My soul melteth for heaviness: strengthen thou me according unto thy word.
29 Mu ọ̀na eke kuro lọdọ mi: ki o si fi ore-ọfẹ fi ofin rẹ fun mi.
29 Remove from me the way of lying: and grant me thy law graciously.
30 Emi ti yàn ọ̀na otitọ: idajọ rẹ ni mo fi lelẹ niwaju mi.
30 I have chosen the way of truth: thy judgments have I laid before me.
31 Emi ti faramọ ẹri rẹ: Oluwa, máṣe dojutì mi.
31 I have stuck unto thy testimonies: O LORD, put me not to shame.
32 Emi o ma sare li ọ̀na aṣẹ rẹ, nitori iwọ bùn aiya mi laye.
32 I will run the way of thy commandments, when thou shalt enlarge my heart.
33 Oluwa, kọ́ mi li ọ̀na rẹ; emi o si ma pa a mọ́ de opin.
33 Teach me, O LORD, the way of thy statutes; and I shall keep it unto the end.
34 Fun mi li oye, emi o si pa ofin rẹ mọ́; nitõtọ, emi o ma kiyesi i tinutinu mi gbogbo.
34 Give me understanding, and I shall keep thy law; yea, I shall observe it with my whole heart.
35 Mu mi rìn ni ipa aṣẹ rẹ; nitori ninu rẹ̀ ni didùn inu mi.
35 Make me to go in the path of thy commandments; for therein do I delight.
36 Fa aiya mi si ẹri rẹ, ki o má si ṣe si oju-kòkoro.
36 Incline my heart unto thy testimonies, and not to covetousness.
37 Yi oju mi pada kuro lati ma wò ohun asan; mu mi yè li ọna rẹ.
37 Turn away mine eyes from beholding vanity; and quicken thou me in thy way.
38 Fi ọ̀rọ rẹ mulẹ si iranṣẹ rẹ, ti iṣe ti ìbẹru rẹ̀.
38 Stablish thy word unto thy servant, who is devoted to thy fear.
39 Yi ẹ̀gan mi pada ti mo bẹ̀ru: nitori ti idajọ rẹ dara.
39 Turn away my reproach which I fear: for thy judgments are good.
40 Kiyesi i, ọkàn mi ti fà si ẹkọ́ rẹ: sọ mi di ãye ninu ododo rẹ.
40 Behold, I have longed after thy precepts: quicken me in thy righteousness.
41 Jẹ ki ãnu rẹ ki o tọ̀ mi wá pẹlu, Oluwa, ani igbala rẹ gẹgẹ bi ọ̀rọ rẹ.
41 Let thy mercies come also unto me, O LORD, even thy salvation, according to thy word.
42 Bẹ̃li emi o ni ọ̀rọ ti emi o fi da ẹni ti ngàn mi lohùn; nitori mo gbẹkẹle ọ̀rọ rẹ.
42 So shall I have wherewith to answer him that reproacheth me: for I trust in thy word.
43 Lõtọ máṣe gbà ọ̀rọ otitọ kuro li ẹnu mi rara; nitori ti mo ti nṣe ireti ni idajọ rẹ.
43 And take not the word of truth utterly out of my mouth; for I have hoped in thy judgments.
44 Bẹ̃li emi o ma pa ofin rẹ mọ́ patapata titi lai ati lailai.
44 So shall I keep thy law continually for ever and ever.
45 Bẹ̃li emi o ma rìn ni alafia; nitori ti mo wá ẹkọ́ rẹ.
45 And I will walk at liberty: for I seek thy precepts.
46 Emi o si ma sọ̀rọ ẹri rẹ niwaju awọn ọba, emi kì yio si tiju.
46 I will speak of thy testimonies also before kings, and will not be ashamed.
47 Emi o si ma ṣe inu-didùn ninu aṣẹ rẹ, ti emi ti fẹ.
47 And I will delight myself in thy commandments, which I have loved.
48 Ọwọ mi pẹlu li emi o gbe soke si aṣẹ rẹ, ti emi ti fẹ; emi o si ma ṣe Ìṣàrò-ìlànà rẹ.
48 My hands also will I lift up unto thy commandments, which I have loved; and I will meditate in thy statutes.
49 Ranti ọ̀rọ nì si ọmọ-ọdọ rẹ, ninu eyiti iwọ ti mu mi ṣe ireti.
49 Remember the word unto thy servant, upon which thou hast caused me to hope.
50 Eyi ni itunu mi ninu ipọnju mi: nitori ọ̀rọ rẹ li o sọ mi di ãye.
50 This is my comfort in my affliction: for thy word hath quickened me.
51 Awọn agberaga ti nyọ-ṣuti si mi gidigidi: sibẹ emi kò fa sẹhin kuro ninu ofin rẹ.
51 The proud have had me greatly in derision: yet have I not declined from thy law.
52 Oluwa, emi ranti idajọ atijọ; emi si tu ara mi ninu.
52 I remembered thy judgments of old, O LORD; and have comforted myself.
53 Mo ni ibinujẹ nla nitori awọn enia buburu ti o kọ̀ ofin rẹ silẹ.
53 Horror hath taken hold upon me because of the wicked that forsake thy law.
54 Ilana rẹ li o ti nṣe orin mi ni ile atipo mi.
54 Thy statutes have been my songs in the house of my pilgrimage.
55 Emi ti ranti orukọ rẹ Oluwa, li oru, emi si ti pa ofin rẹ mọ́.
55 I have remembered thy name, O LORD, in the night, and have kept thy law.
56 Eyi ni mo ni nitori ti mo pa ẹkọ rẹ mọ́.
56 This I had, because I kept thy precepts.
57 Oluwa, iwọ ni ipin mi: emi ti wipe, emi o pa ọ̀rọ rẹ mọ́.
57 Thou art my portion, O LORD: I have said that I would keep thy words.
58 Emi ti mbẹ̀bẹ oju-rere rẹ tinutinu mi gbogbo: ṣãnu fun mi gẹgẹ bi ọ̀rọ rẹ.
58 I intreated thy favour with my whole heart: be merciful unto me according to thy word.
59 Emi rò ọ̀na mi, mo si yi ẹsẹ mi pada si ẹri rẹ.
59 I thought on my ways, and turned my feet unto thy testimonies.
60 Emi yara, emi kò si lọra lati pa ofin rẹ mọ́.
60 I made haste, and delayed not to keep thy commandments.
61 Okùn awọn enia buburu ti yi mi ka: ṣugbọn emi kò gbagbe ofin rẹ.
61 The bands of the wicked have robbed me: but I have not forgotten thy law.
62 Lãrin ọganjọ emi o dide lati dupẹ fun ọ nitori ododo idajọ rẹ.
62 At midnight I will rise to give thanks unto thee because of thy righteous judgments.
63 Ẹgbẹ gbogbo awọn ti o bẹ̀ru rẹ li emi, ati ti awọn ti npa ẹkọ́ rẹ mọ́.
63 I am a companion of all them that fear thee, and of them that keep thy precepts.
64 Oluwa, aiye kún fun ãnu rẹ: kọ́ mi ni ilana rẹ.
64 The earth, O LORD, is full of thy mercy: teach me thy statutes.
65 Iwọ ti nṣe rere fun iranṣẹ rẹ Oluwa, gẹgẹ bi ọ̀rọ rẹ.
65 Thou hast dealt well with thy servant, O LORD, according unto thy word.
66 Kọ́ mi ni ìwa ati ìmọ̀ rere; nitori ti mo gbà aṣẹ rẹ gbọ́.
66 Teach me good judgment and knowledge: for I have believed thy commandments.
67 Ki a to pọ́n mi loju emi ti ṣina: ṣugbọn nisisiyi emi ti pa ọ̀rọ rẹ mọ́.
67 Before I was afflicted I went astray: but now have I kept thy word.
68 Iwọ ṣeun iwọ si nṣe rere; kọ́ mi ni ilana rẹ.
68 Thou art good, and doest good; teach me thy statutes.
69 Awọn agberaga ti hùmọ eke si mi: ṣugbọn emi o pa ẹkọ́ rẹ mọ́ tinutinu mi gbogbo.
69 The proud have forged a lie against me: but I will keep thy precepts with my whole heart.
70 Aiya wọn sebọ bi ọrá; ṣugbọn emi o ṣe inu-didùn ninu ofin rẹ.
70 Their heart is as fat as grease; but I delight in thy law.
71 O dara fun mi ti a pọ́n mi loju; ki emi ki o le kọ́ ilana rẹ.
71 It is good for me that I have been afflicted; that I might learn thy statutes.
72 Ofin ẹnu rẹ dara fun mi jù ẹgbẹgbẹrun wura ati fadaka lọ.
72 The law of thy mouth is better unto me than thousands of gold and silver.
73 Ọwọ rẹ li o ti da mi, ti o si ṣe àworan mi: fun mi li oye, ki emi ki o le kọ́ aṣẹ rẹ.
73 Thy hands have made me and fashioned me: give me understanding, that I may learn thy commandments.
74 Inu awọn ti o bẹ̀ru rẹ yio dùn, nigbati nwọn ba ri mi; nitori ti mo ti reti li ọ̀rọ rẹ.
74 They that fear thee will be glad when they see me; because I have hoped in thy word.
75 Oluwa, emi mọ̀ pe, ododo ni idajọ rẹ, ati pe li otitọ ni iwọ pọ́n mi loju.
75 I know, O LORD, that thy judgments are right, and that thou in faithfulness hast afflicted me.
76 Emi bẹ̀ ọ, jẹ ki iṣeun-ãnu rẹ ki o mã ṣe itunu mi gẹgẹ bi ọ̀rọ rẹ si iranṣẹ rẹ.
76 Let, I pray thee, thy merciful kindness be for my comfort, according to thy word unto thy servant.
77 Jẹ ki irọnu ãnu rẹ ki o tọ̀ mi wá, ki emi ki o le yè: nitori ofin rẹ ni didùn-inu mi.
77 Let thy tender mercies come unto me, that I may live: for thy law is my delight.
78 Jẹ ki oju ki o tì agberaga; nitori ti nwọn ṣe arekereke si mi li ainidi: ṣugbọn emi o ma ṣe àṣaro ninu ẹkọ́ rẹ.
78 Let the proud be ashamed; for they dealt perversely with me without a cause: but I will meditate in thy precepts.
79 Jẹ ki awọn ti o bẹ̀ru rẹ ki o yipada si mi, ati awọn ti o ti mọ̀ ẹri rẹ.
79 Let those that fear thee turn unto me, and those that have known thy testimonies.
80 Jẹ ki aiya mi ki o pé ni ilana rẹ; ki oju ki o máṣe tì mi.
80 Let my heart be sound in thy statutes; that I be not ashamed.
81 Ọkàn mi ndaku fun igbala rẹ; ṣugbọn emi ni ireti li ọ̀rọ rẹ.
81 My soul fainteth for thy salvation: but I hope in thy word.
82 Oju mi ṣofo nitori ọ̀rọ rẹ, wipe, Nigbawo ni iwọ o tù mi ninu?
82 Mine eyes fail for thy word, saying, When wilt thou comfort me?
83 Nitori ti emi dabi igo-awọ loju ẽfin; ṣugbọn emi kò gbagbe ilana rẹ.
83 For I am become like a bottle in the smoke; yet do I not forget thy statutes.
84 Ijọ melo li ọjọ iranṣẹ rẹ? nigbawo ni iwọ o ṣe idajọ lara awọn ti nṣe inunibini si mi?
84 How many are the days of thy servant? when wilt thou execute judgment on them that persecute me?
85 Awọn agberaga ti wà ìho silẹ dè mi, ti kì iṣe gẹgẹ bi ofin rẹ.
85 The proud have digged pits for me, which are not after thy law.
86 Otitọ li aṣẹ rẹ gbogbo: nwọn fi arekereke ṣe inunibini si mi: iwọ ràn mi lọwọ.
86 All thy commandments are faithful: they persecute me wrongfully; help thou me.
87 Nwọn fẹrẹ run mi li ori ilẹ; ṣugbọn emi kò kọ ẹkọ́ rẹ silẹ.
87 They had almost consumed me upon earth; but I forsook not thy precepts.
88 Sọ mi di ãye gẹgẹ bi iṣeun-ãnu rẹ; bẹ̃li emi o pa ẹri ẹnu rẹ mọ́.
88 Quicken me after thy lovingkindness; so shall I keep the testimony of thy mouth.
89 Oluwa, lai, ọ̀rọ rẹ kalẹ li ọrun.
89 For ever, O LORD, thy word is settled in heaven.
90 Lati iran-diran li otitọ rẹ; iwọ ti fi idi aiye mulẹ, o si duro.
90 Thy faithfulness is unto all generations: thou hast established the earth, and it abideth.
91 Nwọn duro di oni nipa idajọ rẹ: nitori pe iranṣẹ rẹ ni gbogbo wọn.
91 They continue this day according to thine ordinances: for all are thy servants.
92 Bikoṣepe bi ofin rẹ ti ṣe inu-didùn mi, emi iba ti ṣegbe ninu ipọnju mi.
92 Unless thy law had been my delights, I should then have perished in mine affliction.
93 Lai emi kì yio gbagbe ẹkọ́ rẹ; nitori pe awọn ni iwọ fi sọ mi di ãye.
93 I will never forget thy precepts: for with them thou hast quickened me.
94 Tirẹ li emi, gbà mi; nitori ti emi wá ẹkọ́ rẹ.
94 I am thine, save me; for I have sought thy precepts.
95 Awọn enia buburu ti duro dè mi lati pa mi run: ṣugbọn emi o kiyesi ẹri rẹ.
95 The wicked have waited for me to destroy me: but I will consider thy testimonies.
96 Emi ti ri opin ohun pipé gbogbo: ṣugbọn aṣẹ rẹ gbõro gidigidi.
96 I have seen an end of all perfection: but thy commandment is exceeding broad.
97 Emi ti fẹ ofin rẹ to! iṣaro mi ni li ọjọ gbogbo.
97 O how love I thy law! it is my meditation all the day.
98 Nipa aṣẹ rẹ iwọ mu mi gbọ́n jù awọn ọta mi lọ: nitori ti o wà pẹlu mi lailai.
98 Thou through thy commandments hast made me wiser than mine enemies: for they are ever with me.
99 Emi ni iyè ninu jù gbogbo awọn olukọ mi lọ, nitoripe ẹri rẹ ni iṣaro mi.
99 I have more understanding than all my teachers: for thy testimonies are my meditation.
100 Oye ye mi jù awọn àgba lọ, nitori ti mo pa ẹkọ́ rẹ mọ́.
100 I understand more than the ancients, because I keep thy precepts.
101 Mo ti fà ẹsẹ mi sẹhin kuro nipa ọ̀na ibi gbogbo, ki emi ki o le pa ọ̀rọ rẹ mọ́.
101 I have refrained my feet from every evil way, that I might keep thy word.
102 Emi kò yà kuro ni idajọ rẹ: nitoripe iwọ li o kọ́ mi.
102 I have not departed from thy judgments: for thou hast taught me.
103 Ọ̀rọ rẹ ti dùn mọ́ mi li ẹnu to! jù oyin lọ li ẹnu mi!
103 How sweet are thy words unto my taste! yea, sweeter than honey to my mouth!
104 Nipa ẹkọ́ rẹ emi ni iyè ninu: nitorina mo korira ọ̀na eke gbogbo.
104 Through thy precepts I get understanding: therefore I hate every false way.
105 Ọ̀rọ rẹ ni fitila fun ẹsẹ̀ mi, ati imọlẹ si ipa ọ̀na mi.
105 Thy word is a lamp unto my feet, and a light unto my path.
106 Emi ti bura, emi o si mu u ṣẹ, pe, emi o pa idajọ ododo rẹ mọ́.
106 I have sworn, and I will perform it, that I will keep thy righteous judgments.
107 A pọ́n mi loju gidigidi: Oluwa sọ mi di ãye, gẹgẹ bi ọ̀rọ rẹ.
107 I am afflicted very much: quicken me, O LORD, according unto thy word.
108 Emi bẹ̀ ọ, Oluwa, gbà ọrẹ atinuwa ẹnu mi, ki o si kọ́ mi ni idajọ rẹ.
108 Accept, I beseech thee, the freewill offerings of my mouth, O LORD, and teach me thy judgments.
109 Ọkàn mi wà li ọwọ mi nigbagbogbo: emi kò si gbagbe ofin rẹ.
109 My soul is continually in my hand: yet do I not forget thy law.
110 Awọn enia buburu ti dẹkun silẹ fun mi: ṣugbọn emi kò ṣina kuro nipa ẹkọ́ rẹ.
110 The wicked have laid a snare for me: yet I erred not from thy precepts.
111 Ẹri rẹ ni ogún mi lailai: nitori awọn li ayọ̀ inu mi.
111 Thy testimonies have I taken as an heritage for ever: for they are the rejoicing of my heart.
112 Emi ti fà aiya mi si ati pa ilana rẹ mọ́ nigbagbogbo, ani de opin.
112 I have inclined mine heart to perform thy statutes alway, even unto the end.
113 Emi korira oniye meji: ṣugbọn ofin rẹ ni mo fẹ.
113 I hate vain thoughts: but thy law do I love.
114 Iwọ ni ibi ipamọ́ mi ati asà mi: emi nṣe ireti ninu ọ̀rọ rẹ.
114 Thou art my hiding place and my shield: I hope in thy word.
115 Kuro lọdọ mi, ẹnyin oluṣe-buburu: emi o si pa ofin Ọlọrun mi mọ́.
115 Depart from me, ye evildoers: for I will keep the commandments of my God.
116 Gbé mi soke gẹgẹ bi ọ̀rọ rẹ, ki emi ki o le yè: ki o má si jẹ ki oju ireti mi ki o tì mi.
116 Uphold me according unto thy word, that I may live: and let me not be ashamed of my hope.
117 Gbé mi soke, emi o si wà li ailewu: emi o si juba ìlana rẹ nigbagbogbo.
117 Hold thou me up, and I shall be safe: and I will have respect unto thy statutes continually.
118 Iwọ ti tẹ̀ gbogbo awọn ti o ṣina kuro ninu ilana rẹ mọlẹ: nitori pe ẹ̀tan ni ironu wọn.
118 Thou hast trodden down all them that err from thy statutes: for their deceit is falsehood.
119 Iwọ ṣá gbogbo awọn enia buburu aiye tì bi ìdarọ́: nitorina emi fẹ ẹri rẹ.
119 Thou puttest away all the wicked of the earth like dross: therefore I love thy testimonies.
120 Ara mi warìri nitori ìbẹru rẹ; emi si bẹ̀ru idajọ rẹ.
120 My flesh trembleth for fear of thee; and I am afraid of thy judgments.
121 Emi ti ṣe idajọ ati ododo: iwọ kì yio jọwọ mi lọwọ fun awọn aninilara mi.
121 I have done judgment and justice: leave me not to mine oppressors.
122 Ṣe onigbọwọ fun iranṣẹ rẹ fun rere: máṣe jẹ ki awọn agberaga ki o ni mi lara.
122 Be surety for thy servant for good: let not the proud oppress me.
123 Oju kún mi nitori igbala rẹ, ati nitori ọ̀rọ ododo rẹ.
123 Mine eyes fail for thy salvation, and for the word of thy righteousness.
124 Ṣe si iranṣẹ rẹ gẹgẹ bi ãnu rẹ, ki o si kọ́ mi ni ilana rẹ.
124 Deal with thy servant according unto thy mercy, and teach me thy statutes.
125 Iranṣẹ rẹ li emi: fun mi li oye, emi o si mọ̀ ẹri rẹ.
125 I am thy servant; give me understanding, that I may know thy testimonies.
126 Oluwa, o to akokò fun ọ lati ṣiṣẹ: nitori ti nwọn ti sọ ofin rẹ di ofo.
126 It is time for thee, LORD, to work: for they have made void thy law.
127 Nitorina emi fẹ aṣẹ rẹ jù wura, ani, jù wura didara lọ.
127 Therefore I love thy commandments above gold; yea, above fine gold.
128 Nitorina emi kà gbogbo ẹkọ́ rẹ si otitọ patapata: emi si korira gbogbo ọ̀na eke.
128 Therefore I esteem all thy precepts concerning all things to be right; and I hate every false way.
129 Iyanu li ẹri rẹ: nitorina li ọkàn mi ṣe pa wọn mọ́.
129 Thy testimonies are wonderful: therefore doth my soul keep them.
130 Ifihan ọ̀rọ rẹ funni ni imọlẹ; o si fi oye fun awọn òpe.
130 The entrance of thy words giveth light; it giveth understanding unto the simple.
131 Emi yà ẹnu mi, emi mí hẹlẹ: nitori ti ọkàn mi fà si aṣẹ rẹ.
131 I opened my mouth, and panted: for I longed for thy commandments.
132 Iwọ bojuwò mi; ki o si ṣãnu fun mi, gẹgẹ bi iṣe rẹ si awọn ti o fẹ orukọ rẹ.
132 Look thou upon me, and be merciful unto me, as thou usest to do unto those that love thy name.
133 Fi iṣisẹ mi mulẹ ninu ọ̀rọ rẹ: ki o má si jẹ ki ẹ̀ṣẹkẹṣẹ ki o jọba lori mi.
133 Order my steps in thy word: and let not any iniquity have dominion over me.
134 Gbà mi lọwọ inilara enia; bẹ̃li emi o si ma pa ẹkọ́ rẹ mọ́.
134 Deliver me from the oppression of man: so will I keep thy precepts.
135 Ṣe oju rẹ ki o mọlẹ si iranṣẹ rẹ lara; ki o si kọ mi ni ilana rẹ.
135 Make thy face to shine upon thy servant; and teach me thy statutes.
136 Odò omi ṣàn silẹ li oju mi nitori nwọn kò pa ofin rẹ mọ́.
136 Rivers of waters run down mine eyes, because they keep not thy law.
137 Olododo ni iwọ, Oluwa, ati diduro-ṣinṣin ni idajọ rẹ.
137 Righteous art thou, O LORD, and upright are thy judgments.
138 Iwọ paṣẹ ẹri rẹ li ododo ati otitọ gidigidi.
138 Thy testimonies that thou hast commanded are righteous and very faithful.
139 Itara mi ti pa mi run nitori ti awọn ọta mi ti gbagbe ọ̀rọ rẹ.
139 My zeal hath consumed me, because mine enemies have forgotten thy words.
140 Funfun gbò li ọ̀rọ rẹ: nitorina ni iranṣẹ rẹ ṣe fẹ ẹ.
140 Thy word is very pure: therefore thy servant loveth it.
141 Emi kere ati ẹni ẹ̀gan ni: ṣugbọn emi kò gbagbe ẹkọ́ rẹ.
141 I am small and despised: yet do not I forget thy precepts.
142 Ododo rẹ ododo lailai ni, otitọ si li ofin rẹ.
142 Thy righteousness is an everlasting righteousness, and thy law is the truth.
143 Iyọnu ati àrokan dì mi mu: ṣugbọn aṣẹ rẹ ni inu-didùn mi.
143 Trouble and anguish have taken hold on me: yet thy commandments are my delights.
144 Ododo ẹri rẹ aiye-raiye ni: fun mi li oye, emi o si yè.
144 The righteousness of thy testimonies is everlasting: give me understanding, and I shall live.
145 Tinu-tinu mi gbogbo ni mo fi kigbe; Oluwa, da mi lohùn; emi o pa ilana rẹ mọ́.
145 I cried with my whole heart; hear me, O LORD: I will keep thy statutes.
146 Emi kigbe si ọ; gbà mi là, emi o si ma pa ẹri rẹ mọ́.
146 I cried unto thee; save me, and I shall keep thy testimonies.
147 Emi ṣaju kutukutu owurọ, emi ke: emi nṣe ireti ninu ọ̀rọ rẹ.
147 I prevented the dawning of the morning, and cried: I hoped in thy word.
148 Oju mi ṣaju iṣọ-oru, ki emi ki o le ma ṣe iṣaro ninu ọ̀rọ rẹ.
148 Mine eyes prevent the night watches, that I might meditate in thy word.
149 Gbohùn mi gẹgẹ bi ãnu rẹ: Oluwa, sọ mi di ãye gẹgẹ bi idajọ rẹ.
149 Hear my voice according unto thy lovingkindness: O LORD, quicken me according to thy judgment.
150 Awọn ti nlepa ìwa-ika sunmọ itosi: nwọn jina si ofin rẹ.
150 They draw nigh that follow after mischief: they are far from thy law.
151 Oluwa, iwọ wà ni itosi: otitọ si ni gbogbo aṣẹ rẹ.
151 Thou art near, O LORD; and all thy commandments are truth.
152 Lati inu ẹri rẹ, emi ti mọ̀ nigba atijọ pe, iwọ ti fi idi wọn mulẹ lailai.
152 Concerning thy testimonies, I have known of old that thou hast founded them for ever.
153 Wò ipọnju mi, ki o si gbà mi: nitori ti emi kò gbagbe ofin rẹ.
153 Consider mine affliction, and deliver me: for I do not forget thy law.
154 Gbà ẹjọ mi rò, ki o rà mi pada: sọ mi di ãye nipa ọ̀rọ rẹ.
154 Plead my cause, and deliver me: quicken me according to thy word.
155 Igbala jina si awọn enia buburu: nitori ti nwọn kò wá ilana rẹ.
155 Salvation is far from the wicked: for they seek not thy statutes.
156 Ọ̀pọ ni irọnu ãnu rẹ, Oluwa: sọ mi di ãye gẹgẹ bi idajọ rẹ.
156 Great are thy tender mercies, O LORD: quicken me according to thy judgments.
157 Ọ̀pọ li awọn oninunibini mi ati awọn ọta mi; ṣugbọn emi kò fà sẹhin kuro ninu ẹri rẹ.
157 Many are my persecutors and mine enemies; yet do I not decline from thy testimonies.
158 Emi wò awọn ẹlẹtan, inu mi si bajẹ; nitori ti nwọn kò pa ọ̀rọ rẹ mọ́.
158 I beheld the transgressors, and was grieved; because they kept not thy word.
159 Wò bi emi ti fẹ ẹkọ́ rẹ: Oluwa, sọ mi di ãye gẹgẹ bi ãnu rẹ.
159 Consider how I love thy precepts: quicken me, O LORD, according to thy lovingkindness.
160 Otitọ ni ipilẹṣẹ ọ̀rọ rẹ; ati olukulùku idajọ ododo rẹ duro lailai.
160 Thy word is true from the beginning: and every one of thy righteous judgments endureth for ever.
161 Awọn ọmọ-alade ṣe inunibini si mi li ainidi: ṣugbọn ọkàn mi warìri nitori ọ̀rọ rẹ.
161 Princes have persecuted me without a cause: but my heart standeth in awe of thy word.
162 Emi yọ̀ si ọ̀rọ rẹ, bi ẹniti o ri ikogun pupọ.
162 I rejoice at thy word, as one that findeth great spoil.
163 Emi korira, mo si ṣe họ̃ si eke ṣiṣe: ṣugbọn ofin rẹ ni mo fẹ.
163 I hate and abhor lying: but thy law do I love.
164 Nigba meje li õjọ li emi nyìn ọ nitori ododo idajọ rẹ.
164 Seven times a day do I praise thee because of thy righteous judgments.
165 Alafia pupọ̀ li awọn ti o fẹ ofin rẹ ni: kò si si ohun ikọsẹ fun wọn.
165 Great peace have they which love thy law: and nothing shall offend them.
166 Oluwa, emi ti nreti igbala rẹ, emi si ṣe aṣẹ rẹ.
166 LORD, I have hoped for thy salvation, and done thy commandments.
167 Ọkàn mi ti pa ẹri rẹ mọ́; emi si fẹ wọn gidigidi.
167 My soul hath kept thy testimonies; and I love them exceedingly.
168 Emi ti npa ẹkọ́ ati ẹri rẹ mọ́; nitori ti gbogbo ọ̀na mi mbẹ niwaju rẹ.
168 I have kept thy precepts and thy testimonies: for all my ways are before thee.
169 Oluwa, jẹ ki ẹkún mi ki o sunmọ iwaju rẹ: fun mi li oye gẹgẹ bi ọ̀rọ rẹ.
169 Let my cry come near before thee, O LORD: give me understanding according to thy word.
170 Jẹ ki ẹ̀bẹ mi ki o wá siwaju rẹ: gbà mi gẹgẹ bi ọ̀rọ rẹ.
170 Let my supplication come before thee: deliver me according to thy word.
171 Ete mi yio sọ iyìn jade, nigbati iwọ ba ti kọ́ mi ni ilana rẹ.
171 My lips shall utter praise, when thou hast taught me thy statutes.
172 Ahọn mi yio sọ niti ọ̀rọ rẹ: nitori pe ododo ni gbogbo aṣẹ rẹ.
172 My tongue shall speak of thy word: for all thy commandments are righteousness.
173 Jẹ ki ọwọ rẹ ki o ràn mi lọwọ; nitori ti mo ti yàn ẹkọ rẹ.
173 Let thine hand help me; for I have chosen thy precepts.
174 Oluwa, ọkàn mi ti fà si igbala rẹ; ofin rẹ si ni didùn-inu mi.
174 I have longed for thy salvation, O LORD; and thy law is my delight.
175 Jẹ ki ọkàn mi ki o wà lãye, yio si ma yìn ọ; si jẹ ki idajọ rẹ ki o ma ràn mi lọwọ.
175 Let my soul live, and it shall praise thee; and let thy judgments help me.
176 Emi ti ṣina kiri bi agutan ti o nù; wá iranṣẹ rẹ nitori ti emi kò gbagbe aṣẹ rẹ.
176 I have gone astray like a lost sheep; seek thy servant; for I do not forget thy commandments.