Job 12 - Listen Online

¹ JOBU si dahùn o si wipe,

¹ And Job answered and said,

² Kò si ani-ani nibẹ̀, ṣugbọn ẹnyin li awọn enia na, ọgbọ́n yio si kú pẹlu nyin.

² No doubt but ye are the people, and wisdom shall die with you.

³ Ṣugbọn emi ni iyè ninu gẹgẹ bi ẹnyin: emi kì iṣe ọmọ-ẹhin nyin: ani, tani kò mọ̀ nkan bi iru wọnyi?

³ But I have understanding as well as you; I am not inferior to you: yea, who knoweth not such things as these?

⁴ Emi dabi ẹniti a nfi ṣe ẹlẹya lọdọ aladugbo rẹ̀, ti o kepe Ọlọrun, ti o si da a lohùn: a nfi olõtọ ẹni-iduro-ṣinṣin rẹrin ẹlẹyà.

⁴ I am as one mocked of his neighbour, who calleth upon God, and he answereth him: the just upright man is laughed to scorn.

⁵ Ẹgan ni ẹni-òtoṣi, ti ẹsẹ rẹ̀ mura tan lati yọ́ ninu ìro ẹniti ara rọ̀.

⁵ He that is ready to slip with his feet is as a lamp despised in the thought of him that is at ease.

⁶ Agọ awọn igara ngberú, awọn ti o si nmu Ọlọrun binu wà lailewu, awọn ẹniti o si gbá oriṣa mu li ọwọ wọn.

⁶ The tabernacles of robbers prosper, and they that provoke God are secure; into whose hand God bringeth abundantly.

⁷ Ṣugbọn nisisiyi, bi awọn ẹranko lere, nwọn o kọ́ ọ li ẹkọ́, ati ẹiyẹ oju ọrun, nwọn o si sọ fun ọ.

⁷ But ask now the beasts, and they shall teach thee; and the fowls of the air, and they shall tell thee:

⁸ Tabi, ba ilẹ aiye sọ̀rọ, yio si kọ́ ọ, awọn ẹja inu okun yio si sọ fun ọ.

⁸ Or speak to the earth, and it shall teach thee: and the fishes of the sea shall declare unto thee.

⁹ Tani kò mọ̀ ninu gbogbo wọnyi pe, ọwọ Oluwa li o ṣe nkan yi?

⁹ Who knoweth not in all these that the hand of the LORD hath wrought this?

¹⁰ Lọwọ ẹniti ẹmi ohun alãye gbogbo gbé wà, ati ẹmi gbogbo araiye.

¹⁰ In whose hand is the soul of every living thing, and the breath of all mankind.

¹¹ Eti ki idán ọ̀rọ wò bi? tabi adùn ẹnu ki isi tọ onjẹ rẹ̀ wò?

¹¹ Doth not the ear try words? and the mouth taste his meat?

¹² Awọn arugbo li ọgbọ́n wà fun, ati ninu gigùn ọjọ li oye.

¹² With the ancient is wisdom; and in length of days understanding.

¹³ Pẹlu rẹ̀ (Ọlọrun) li ọgbọ́n ati agbarà, on ni ìmọ ati oye,

¹³ With him is wisdom and strength, he hath counsel and understanding.

¹⁴ Kiyesi i, o biwó, a kò si le igbe ró mọ́, o se enia mọ́, kò si sí iṣisilẹ̀ kan.

¹⁴ Behold, he breaketh down, and it cannot be built again: he shutteth up a man, and there can be no opening.

¹⁵ Kiyesi i, o da awọn omi duro, nwọn si gbẹ, o si rán wọn jade, nwọn si ṣẹ bo ilẹ aiye yipo.

¹⁵ Behold, he withholdeth the waters, and they dry up: also he sendeth them out, and they overturn the earth.

¹⁶ Pẹlu rẹ̀ li agbara ati ọgbọ́n, ẹniti nṣìna ati ẹniti imu ni ṣìna tirẹ̀ ni nwọn iṣe.

¹⁶ With him is strength and wisdom: the deceived and the deceiver are his.

¹⁷ O mu awọn igbimọ̀ lọ nihoho, a si sọ awọn onidajọ di wère.

¹⁷ He leadeth counsellers away spoiled, and maketh the judges fools.

¹⁸ O tu ide ọba, o si fi àmure gbà wọn li ọ̀ja.

¹⁸ He looseth the bond of kings, and girdeth their loins with a girdle.

¹⁹ O mu awọn alufa lọ nihoho, o si tẹ ori awọn alagbara bá.

¹⁹ He leadeth princes away spoiled, and overthroweth the mighty.

²⁰ O mu ọ̀rọ-ẹnu ẹni-igbẹkẹle kuro, o si ra awọn àgbàgbà ni iye.

²⁰ He removeth away the speech of the trusty, and taketh away the understanding of the aged.

²¹ O bù ẹ̀gan lu awọn ọmọ-alade, o si tú àmure awọn alagbara.

²¹ He poureth contempt upon princes, and weakeneth the strength of the mighty.

²² O hudi ohun ti o sigbẹ jade lati inu òkunkun wá, o si mu ojiji ikú jade wá sinu imọlẹ̀.

²² He discovereth deep things out of darkness, and bringeth out to light the shadow of death.

²³ On a mu orilẹ-ède bi si i, a si run wọn, on a sọ orilẹ-ède di nla, a si tun ṣẹ́ wọn kù.

²³ He increaseth the nations, and destroyeth them: he enlargeth the nations, and straiteneth them again.

²⁴ On a gbà aiya olú awọn enia aiye, a si ma mu wọn wọ́ kakiri ninu iju nibiti ọ̀na kò si.

²⁴ He taketh away the heart of the chief of the people of the earth, and causeth them to wander in a wilderness where there is no way.

²⁵ Nwọn a ma fi ọwọ ta ilẹ ninu òkunkun laisi imọlẹ, on a si ma mu wọn tàse irin bi ọmuti.

²⁵ They grope in the dark without light, and he maketh them to stagger like a drunken man.