Orin Dafidi 8

Ògo OLUWA ati ipò eniyan

¹ OLUWA, Oluwa wa, orukọ rẹ ti ni iyìn to ni gbogbo aiye! iwọ ti o gbé ogo rẹ kà ori awọn ọrun.

² Lati ẹnu awọn ọmọ-ọwọ ati ọmọ-ọmu ni iwọ ti ṣe ilana agbara, nitori awọn ọta rẹ, nitori ki iwọ ki o le mu ọta olugbẹsan nì dakẹjẹ.

³ Nigbati mo rò ọrun rẹ, iṣẹ ika rẹ, oṣupa ati irawọ, ti iwọ ti ṣe ilana silẹ.

⁴ Kili enia, ti iwọ fi nṣe iranti rẹ̀? ati ọmọ enia, ti iwọ fi mbẹ̀ ẹ wò.

⁵ Iwọ sa da a li onirẹlẹ diẹ jù awon angeli lọ, iwọ si ti fi ogo ati ọlá de e li ade.

⁶ Iwọ mu u jọba iṣẹ ọwọ rẹ; iwọ si ti fi ohun gbogbo sabẹ ẹsẹ rẹ̀;

⁷ Awọn agutan ati awọn malu pẹlu, ati awọn ẹranko igbẹ;

⁸ Awọn ẹiyẹ oju ọrun, ati awọn ẹja okun, ti o nkọja lọ nipa ọ̀na okun.

⁹ Oluwa, Oluwa wa, orukọ rẹ ti ni iyìn to ni gbogbo aiye!