Zechariah 4

¹ The angel wey don dey follow me talk come again, and wake me as if I don dey sleep.

² He ask me, wetin you see? “I tell am say, “Na solid gold lampstand I see. Seven lamps dey on top the lampstand, and a bowl dey on top of am. Seven pipes dey come from the bowl. One pipe enter each lamp. The pipes dey bring oil from the bowl enter each lamp.

³ Two olive trees dey beside the bowl, one for each side. The trees dey produce oil for the lamp.”

⁴ Then I con ask the angel say, “Wetin be the meaning of these things, sir?”

⁵ He ask me, “Shey you no know? I tell am say, “Sir, I no know”

⁶ The angel tell me make I give Zerubbabel this message from God: “una go succeed, no be by military or by una own strength, but by my spirit.

⁷ Obstacle wey tall like mountain before una go disappear. Una go rebuild the Temple, and as una go put the last stone, people go shout ‘Beautiful, beautiful!’”

⁸ I get another message from God.

⁹ He talk say, Zerubbabel don lay the foundation of the Temple, and he go finish am. When this happen, my people go know say na me send you to them.

¹⁰ a People dey disappointed because na small progress dem don make, but dem go dey happy when dem see Zerubbabel continue to dey build the Temple.10b The angel tell me say, “The seven lamps na the seven eyes of God, wey dey see all over the earth.”

11-12 I con ask am say, wetin the two olive trees wey dey each side of the lampstand mean? And wetin be the meaning of the two olive branches wey dey beside the two gold pipes wey olive oil dey?

¹³ He ask me, “Shey you no know?” I answer am say, “Sir, I no know”

¹⁴ He con talk say, these na the two men wey God don choose and anoint to dey serve him, the Lord of the whole earth.”