Psalms 92

¹ Na good thing e be to give thanks to you, O LORD, and to sing honor you, O Most High God,

² to dey talk about your constant love every morning and your faithfulness every night,

³ with music of string instrument and with melody on the harp.

⁴ O LORD, your mighty work dey make me happy; because of wetin you don do, I dey sing for joy.

⁵ Your actions na great action, LORD; Wetin you dey think dey deep!

⁶ This na something wey foolish person no fit know; person wey dey stupid no fit understand.

⁷ the wicked fit grow like weed, those wey do wrong fit prosper; yet dem go destroy totally,

⁸ because you, O LORD, you be Almighty forever.

⁹ We know say our enemy go die, and defeat go swallow the wicked.

¹⁰ You don make me strong like wild ox; you don bless me with happiness.

¹¹ I don see as you defeat my enemy and I don hear as the wicked dey cry.

¹² The righteous go flourish like palm tree; dem go grow like cedar of Lebanon:

¹³ Dem be like tree wey dem plant for house of the LORD, wey dey flourish inside the Temple of our God,

¹⁴ wey still dey commot fruit for old age and e dey green and strong always.

¹⁵ This show say the LORD dey do good, and say my protector no get any wrong.