Nigerian Pidgin Bible
Psalms 9
1 God, I go praise you with all my heart; I go talk all the wonderful things wey you don do.
2 I go sing with joy because of you. I go sing praise to you, Almighty God.
3 My enemy dey turn back when you show; dem dey fall down die.
4 You dey honest and good when you dey judge and you don judge for my favor.
5 You don condemn the sinners and destroy the wicked; nobody go remember them again.
6 Our enemy don finish for ever; you don destroy their cities and nobody dey remember them again.
7 But God na king forever; he don set up him throne for judgment.
8 He dey rule the world with righteousness; he dey judge nation with justice.
9 God na protection for the oppressed, a place of safety for time of trouble.
10 God, those wey know you go trust you; you no dey leave anybody wey come meet you.
11 Make una sing praise to the LORD, wey dey rule for Zion! Tell every nation wetin him don do.
12 God dey remember those wey dey suffer, he no dey forget their cry, and he dey punish those wey dey do them bad.
13 Have mercy upon me, O LORD! Make u see the suffer wey my enemy don cause me! Safe me from death, O LORD,
14 so that I go fit stand for front of Jerusalem people and I go tell them all the things wey dey make me dey praise you. I go happy because you don save me.
15 Bad people don dig pit and dem don fall inside am, their own trap don catch them.
16 God don show himself with him righteous judgment, and the wicked don dey trapped by the bad things wey dem do.
17 Na death go be the destiny of wicked people, and for those wey reject God.
18 God no go leave the poor for one side; and the hope of the poor no go spoil forever.
19 Come, O LORD: No let human being challenge you; make you bring the idol worshipper before you and put judgment on top them.
20 Make them fear, O LORD; make them know say dem just be ordinary human being.