Psalms 41

¹ Happy na those wey dey worry about poor people; God go help them when dem dey for trouble.

² God go protect them and keep their live; he go make them happy in the land; him no go abandon them to the power of the enemy.

³ The LORD go help them when dem sick and him go bring good health back to them.

⁴ I talk say, “I don sin against you, LORD; make you dey merciful on me and heal me

⁵ My enemy dey talk something bad about me. Dem want make I die and make dem forget me.

⁶ Those wey dey come see me no dey always talk truth; dem dey gather bad news about me and dem dey commot go talk am for everywhere.

⁷ All wey hate me dey whisper give each other about me, dem dey think bad thing about me.

⁸ Dem talk say, “Him no well at all; him no go ever leave him bed again.’’

⁹ Even my best friend wey I trust pass, the one wey dey share food with me, he don turn against me.

¹⁰ Make you get mercy on me LORD, and restore my health, and I go pay my enemy back.

¹¹ Dem no go rejoice over me, and I go know say you dey happy with me.

¹² You go help me, because I dey do right thing; you go keep me for your presence forever.

¹³ Praise the LORD, God of Israel; praise him now and forever. Amen! Amen!