Psalms 32

¹ Na good thing when people get forgiveness for bad things dem don do, when God forgive their sin.

² Happy na those wey God no dey accuse of wrong doing and wey no try hide their sins.

³ When I no confess my sin, I worn out as I dey cry all day.

⁴ Day and night, you dey punish me, LORD, all my strength drain finish, as water dey dry when summer heat come.

⁵ Then I confess my sin give you; I no hide wetin I do wrong. I decide make I confess them to you, and you con forgive all my sins.

⁶ So all the people wey dey loyal to you, make dem pray to you in the time of need; when flood of trouble come around, e no go reach them.

⁷ You be my hiding place; you go save me from trouble. I dey sing loud of your salvation, because you dey protect me.

⁸ God talk say, “I go teach you the way you suppose go; I go instruct you and advice you.

⁹ No dey stupid like horse or donkey, wey dem dey control with bit and bridle so that e go fit answer.’’

¹⁰ The wicked go suffer; but those wey trust the LORD dey protected by him constant love.

¹¹ Una wey dey righteous, make una happy and rejoice because of wetin God don do. Una wey obey him, make una shout for joy!