Psalms 22

¹ My God, My God, why you don abandon me? I don cry seriously for help, but e no dey come.

² For day time I call on you, my God, but you no dey answer; I call for night, but I get no rest.

³ But na you be king as the Holy one, the one wey Israel dey praise.

⁴ Our forefathers been put their trust in you; dem trust you, and you save them.

⁵ Dem call on you and dem escape from danger; dem trust you and dem no dey disappointed.

⁶ But I no be human being again; I be worm, wey everybody dislike and wey dem dey mock.

⁷ Everybody wey see me dey mock me; dem dey commot their tongue and shake their head.

⁸ Dem dey talk say, “You dey rely on the LORD. Why him no save you? If the LORD like you, why him no dey help you?’’

⁹ Na you deliver me safely when dem born me, when I be pikin, you keep me safe.

¹⁰ I don rely on you since when den born me, and na you don always be my God.

¹¹ Make you no stay away from me; trouble dey near, and nobody dey to help me.

¹¹ Plenty enemy dey surround me like bull; dem dey around me, like strong bull wey dey Bashan land.

¹² Dem dey open their mouth like lion, dem dey shout at me.

¹³ My strength don go, e don go like water wey drop for ground. All my bone don commot from the joint; my heart be like candle wey don melt.

¹⁴ My throat dey dry like dust, and tongue don gum the roof of my mouth. You don leave me to die inside dust.

¹⁵ Evil group dey around me; like plenty dog dey attack me; dem dey tear my hand and feet.

¹⁶ Dem fit see all my bone. My enemy dey look me and dem dey look me with terrible eye.

¹⁷ Dem carry my cloth bet and share am with each other.

¹⁸ O LORD, no stay away from me! Come rescue me quickly!

²⁰ Save me from the sword; make you save my life from these dogs.

²¹ Make u rescue me from these lions; I dey helpless for front of this terrible bull.

²² I go tell my people wetin you don do; I go praise you for their gathering:

²³ “Praise him, una wey be servant of the LORD; Honor him, una descendants Jacob. Worship him, una people of Israel.”

²⁴ He no dey abandon the poor or make he ignore as dem dey suffer; him no dey turn away from them, but he dey answer when dem dey call for help.’’

²⁵ For the full gathering I go praise you for wetin you don do; for the midst of people wey dey worship you I go offer sacrifice wey I promise.

²⁶ The poor go chop as dem want; those wey come to the LORD go praise him. Dem go prosper forever!

²⁷ All nation go remember the LORD. From every part of the world dem go turn to him; all kind people go worship him;

²⁸ The LORD na king, na him dey rule the nation.

²⁹ All the people wey dey proud go bow down to him; all ordinary person go bow down before him.

³⁰ Future generation go serve him; dem go speak about the LORD to generation wey dey come.

³¹ Dem go tell people wey dem never born now say: “God save him people.”