Psalms 144

¹ Praise the LORD, my protector! He dey train me for battle and he dey prepare me for war.

² Na him be my protector and defender, my shelter and savior, I get my trust in him. He dey defeat nation wey dey under me.

³ LORD, why people dey important to you? Dem be ordinary person. Why you dey pay attention to them?

⁴ Dem be like small wind wey blow commot; their days be like shadow wey just dey pass.

⁵ 0 LORD, make you tear sky and come down; touch mountain and dem go pour out smoke.

⁶ Send flash of lightning and scatter your enemy; shoot them your arrow make dem run commot.

⁷ Come down from above, commot me from deep water, and save me; save me from power of foreigners,

⁸ wey no dey talk true and wey dey use lie swear.

⁹ I go sing new song give you, O God; I go play harp and sing to you.

¹⁰ You dey give victory to king and you dey save your servant David.

¹¹ Save me from wicked enemy; save me from power of foreigner, wey no dey ever talk true and wey dey use lie swear.

¹² Make our sons grow like plant wey dey grow up strong when dem dey for youth. Make our daughter dey like glorious pillars wey decorate corners of palace.

¹³ Make different kind plenty crop full our barn. Make all the sheep wey dey our field born plenty in tens of thousands.

¹⁴ Make our cattle born plenty and make none of them get any loss. Make cry of pain no dey our street.

¹⁵ E go dey wonderful to have that kind blessings! Yes, those wey get the LORD as their God go dey happy.