Psalms 143

¹ LORD, hear my prayer! Hear me as I dey beg in your righteousness; answer me in your faithfulness

² No put me your servant for trial; nobody dey innocent for your eye.

³ My enemy don hunt me down and dem don defeat me finish. Dem don put me for dark prison, and I be like those wey don die for long time ago.

⁴ So I don ready to give up; I dey for deep pain.

⁵ I remember days wey don pass; I think of things you don do, I remember all good things wey you don do.

⁶ I lift my hand make I pray to you; my soul dey hungry for you like dry ground dey hungry for water.

⁷ Answer me now, LORD! I don lose hope. No hide yourself from me or I go dey among those wey go enter world of the dead.

⁸ Remind me of your constant love every morning, because I dey put my trust in you. My prayer dey go up to you; show me way I suppose go.

⁹ I dey come meet you for protection, LORD; save me from my enemy.

¹⁰ You be my God; teach me to dey do wetin you want. Dey good to me, and guide me for safe way.

¹¹ LORD, save me as you don promise; make you save me from my trouble in your good way!

¹² Because of your love for me, kill my enemy and destroy those we dey suffer me, because I be your servant.