Psalms 14

¹ Fools dey tell themselves say, “God no dey.” All of them don corrupt, and dem don do terrible things; nobody dey wey dey do right thing.

² God dey look down on top human being from heaven to see if anyone dey wey dey wise, and anyone wey dey worship him.

³ But dem don go wrong; all of them dey bad same way. Even one no dey do wetin dey right, no single one,

⁴ God ask say, “Shey dem no know? Shey all these evildoers no get sense? Dem dey rob my people to live, and dem no dey pray to me.’’

⁵ But then dem go fear, because God dey with those wey dey obey him.

⁶ Evildoers dey block the plan of the humble, but na God be their protection.

⁷ I dey pray say victory go come Israel from Zion. The people of Israel go happy when God make them prosper again.