Psalms 132

¹ LORD, no forget David and all the suffer wey him don suffer.

² LORD, remember wetin him promise, the vow wey him make to you, the mighty God of Jacob.

³ ‘’I no go fit go home or go to bed;

⁴ I no go rest or sleep,

⁵ until I provide place for the LORD, until I provide a house for the mighty God of Jacob.”

⁶ We hear about the Covenant Box for Bethlehem, and we find am for field of Jearim.

⁷ We talk say, “Make we go to house of the LORD; make we worship before him throne.’’

⁸ LORD, come to the Temple where the Covenant Box dey; the sign of your power, and stay here forever.

⁹ Make your priest do wetin dey right always; make your people shout for joy!

¹⁰ You don make covenant with your servant David; LORD, no reject the king wey you don choose.

¹¹ You don make honest promise to David – the promise wey you no go ever take back: I go make one of your sons king, and him go rule after you.

¹² If your son dey honest to my covenant and to the command I give them, their son, go also become king for all time to come.

¹³ The LORD don choose Zion; he wan make am him house.

¹⁴ This na place where I go live forever; na where I wan rule be this.

¹⁵ I go make Zion rich with all hin need; I go make the poor belleful with food.

¹⁶ I go bless all the priest for all dem do, and hin people go sing and shout for joy.

¹⁷ For here I go make one of David descendant great king; for here I go keep the rule of the king wey I choose.

¹⁸ I go cover him enemy with shame, but him kingdom go prosper and flourish.