Nigerian Pidgin Bible
Psalms 122
1 I dey happy when dem tell me say, Make we go to house of God.
2 And now we dey here, as we dey stand inside gate of Jerusalem!
3 Na new Jerusalem be this! Dem don rebuild the city and e dey beautiful and get unity.
4 Na where tribes of Israel dey come give thanks to the LORD be this, according to him command.
5 Na for here kings of Israel go siddon judge their people.
6 Make una pray for peace of Jerusalem: Make those wey love una prosper.
7 Make peace dey inside una wall and make una palace dey safe.
8 Because of my relative and friend, I tell Jerusalem say, peace go dey with una!
9 Because of the house of the LORD our God, I pray say good things go happen to this city.