Psalms 116

¹ I love the LORD, because he dey hear me; he dey hear my prayer.

² He dey hear me every time wey I call him.

³ Trouble of death dey around me; fear of grave dey close on me; fear and worry catch me.

⁴ I con call to the LORD say, “Na beg I dey beg you LORD, save me!”

⁵ God dey merciful and he dey good; our God dey kind.

⁶ God dey protect the helpless; when I dey for danger, he save me.

⁷ My heart, make you get confidence, because God don dey good to me.

⁸ God save me from death; he stop my cry and keep me from defeat.

⁹ And so I dey waka for the presence of God in the world of the living.

¹⁰ I continue dey believe, even when I talk say, “I don scatter completely,”

¹¹ even when fear catch me and I talk say , “I no fit trust anyone.”

¹² Wetin I fit offer God for all the good thing wey him don do for me?

¹³ I go bring wine offering to God, to use thank am for saving me.

¹⁴ For where your people gather, I go give him wetin I don promise.

¹⁵ Na painful thing e be to the LORD when one of him people die!

¹⁶ I be your servant, LORD; I serve you the way my mama do. You don save me from death.

¹⁷ I go give you sacrifice of thanksgiving and I go offer my prayer to you.

¹⁸ For where your people gather, for your holy Temple in Jerusalem, I go give you wetin I don promise. Praise the LORD!