Psalms 101

¹ My song na about loyalty and justice, and I dey sing am to you, O LORD.

² My behavior no go get fault. When you go come to me? I go live pure life for my house,

³ and I no go give chance for evil. I hate the action of those wey dey turn away from God; I no go get anything to do with them.

⁴ I no go dey lie and I no go get anything to do with evil.

⁵ I go chase away anyone wey dey murmur evil thing against another person; I no go allow anyone wey dey proud and wey get strong-head.

⁶ I go accept those wey dey faithful to God and I go allow them live in my palace. Those wey dey honest completely go fit serve me.

⁷ Liar no go live for my palace; no bad-belle person go remain for where I dey.

⁸ Day after day I go destroy the wicked wey dey our land; I go chase away evil people from the city of God.