Proverbs 9

¹ Wisdom don build hin house and e don make seven pillars for am.

² E don kill animals for the feast, e don mix spices in the wine, and e don set the table.

³ E don send hin servant women make dem call out from the highest places in the town:

⁴ “Make una come in, people wey no know anything!: and e tell the foolish people say,

⁵ “Make una come chop my food and drink the wine wey I don mix.

⁶ Make una commot from the gathering of ignorant people, and live. Make una follow the way of knowledge.”

⁷ If una correct selfish people, dem go only insult una. If una lecture evil people, una go only get hurt.

⁸ Make una no correct arrogant people; dem go hate una for that. But if una correct the wise, dem go respect una.

⁹ Anything wey una tell the wise go make them become more wise. Anything wey una tell the righteous go add to their knowledge.

¹⁰ To dey wise, una must first respect God. If una know the Holy One, una get understanding.

¹¹ Wisdom go add years to una life.

¹² Na una be the one wey go enjoy if una get wisdom, and if una reject am, na una be the one wey go suffer.

¹³ Stupidity be like loud, ignorant, woman, wey no get shame.

¹⁴ She siddon for the door of her house or on top a seat for the highest part of the town,

¹⁵ And she dey call people wey dey pass by, wey dey mind their own business say:

¹⁶ “Make una come in, ignorant people!” She tell the foolish people say,

¹⁷ “Water wey person steal dey sweet pass. Bread wey person steal dey taste better.”

¹⁸ People wey enter her trap no know say people wey go her house dey die, say people wey don enter there don dey deep world of the dead now.