Proverbs 17

¹ E better make you chop dry bread with peace of mind pass make you chop for house wey dey full of trouble.

² A wise servant go gain authority over him master stupid pikin and he go receive part of the inheritance.

³ Na fire dem dey use make gold and silver pure, and na God dey make person heart pure.

⁴ Evil people dey listen to evil ideas, and liars dey listen to lies.

⁵ If you dey laugh poor people, na God wey make them you dey insult. If you dey take pleasure in someone trouble, you go be punished.

⁶ Grandparents dey get pride in their grandchildren, as children dey get pride in their parents.

⁷ Person wey people respect no dey lie, and stupid people no get anything useful to talk.

⁸ Some people dey think say bribe dey work like magic; dem believe say e fit do anything.

⁹ If you want make people like you, make you forgive them when dem do you wrong. To dey remember wrong fit break up a friendship.

¹⁰ Intelligent person dey learn from one correction pass fool wey dey learn from hundred times of beating.

¹¹ Death go come like evil messenger to wicked people wey dey always cause trouble.

¹² E better make you meet a bear wey dem thief her pikin pass make you meet some fools wey dey busy with stupid things.

¹³ If you use evil pay good, evil no go commot from your house.

¹⁴ The start of an argument na like first break of dam; stop am before e go turn something else.

¹⁵ To dey condemn the innocent or allow the wicked go free - the two na wetin God hate.

¹⁶ E no do fool any good to dey spend money on education, because he no get sense.

¹⁷ Friends dey always show their love. Wetin una be relative for, if no be to share trouble?

¹⁸ Na only someone wey no get sense go promise to dey responsible for another person debts

¹⁹ Troublemakers love to dey start arguments. Anybody wey like to brag dey find trouble.

²⁰ Anyone wey think and talk evil no fit expect to find anything good- na only disaster.

²¹ Na shame go catch a man wey get stupid pikin. Stupid pikin no fit bring joy to him father.

²² Happiness na good medicine, but sorrow na disease.

²³ Corrupt judges dey accept secret bribes, and dem no dey do justice.

²⁴ Intelligent person dey aim at wise action, but fool dey start off for many directions.

²⁵ Foolish children dey bring sorrow and bitter regret to their papa and mama.

²⁶ No be right thing to dey punish innocent or attack leaders because dem dey do right thing.

²⁷ People wey dey sure of themselves no dey talk all the time. People wey dey stay calm dey get real understanding.

²⁸ When a fool keep him mouth shut, people dey think say he wise: people dey see person wey dey calm as a man wey get understanding.