Nigerian Pidgin Bible
Proverbs 16
1 We fit make our plan, but na God get the final say.
2 You fit think say everything wey you dey do na right thing, but God dey judge why you dey do am.
3 Ask God make he bless your plans, and you go carry them out successfully.
4 Everything wey God don make get hin own destiny; and na destruction be the destiny of the wicked.
5 God hate everyone wey dey do strong-head; he no go ever allow them escape punishment.
6 Make you dey loyal and faithful, and God go forgive you your sin. Obey God and no evil go happen to you.
7 When people please God, even their enemies go dey at peace with them.
8 E better to dey poor and do right thing, pass make you dey rich and do wrong things.
9 You dey make your plans, but God dey direct your actions.
10 Na authority king dey take talk; him decisions dey always dey right.
11 God dey want make measurement dey honest and make every scales dey good.
12 Kings no like make person do wrong, because na justice dey make government dey strong.
13 King wan hear the truth and he go favor those wey talk am.
14 Wise person go try keep the king happy; if the king dey vex, someone fit die.
15 When king dey happy, life dey better for everybody; e be like fresh spring rain.
16 E better make person get wisdom and knowledge pass gold and silver.
17 Good people dey try avoid evil. Dem dey watch wetin dem dey do and protect themselves.
18 Na pride dey lead to destruction, and strong-head dey lead to downfall.
19 E better make you dey humble and stay poor pass make you be one of the proud and get share of their wealth.
20 Good things dey happen to those wey use their past learn, and God dey bless those wey trust him.
21 People go know if person wise. The more pleasant him word dey, na the more strong he go dey.
22 Wisdom na source of life for the wise, but to dey try educate stupid people na waste of time.
23 Wise people dey think before dem talk; so wetin dem talk dey make sense.
24 Kind words be like honey- wey dey sweet to taste and wey dey good for your health.
25 E get a road wey be like say na right road, but na death that way dey lead to.
26 Na hunger dey make laborers work harder, so that dem fit chop.
27 Evil people dey look for ways to harm others; even their words dey burn like fire.
28 Na wicked people dey spread gossip; dem dey cause trouble and break up friendships.
29 Evil people dey deceive their friends and dem dey lead them to disaster.
30 Watch out for people wey wink at you; dem don think of something evil.
31 Long life na the reward of the righteous; grey hair na glorious crown for them.
32 E better to dey patient pass make you dey powerful. E better make you win control over yourself pass make you win control over the whole cities.
33 People dey cast lots to learn the will of God, but na God himself dey determine the answer.