Nehemiah 3

¹ Na how dem rebuild the city wall be this. Na the High Priest Eliashib and him fellow priests rebuild the Sheep Gate, dedicate am, and dem set the gate well. Dem dedicate the wall far reach the Tower of the Hundred and Tower of Hananel.

² Na the men of Jericho build the next section. Na Zaccur son of Imri build the next section.

³ Na the tribe of Hassenaah build the Fish Gate. Dem put the bars and bolts to dey use lock the gate.

⁴ Na Meremoth, son of Uriah and grandson of Hakkoz, build the next section. Na Meshullam, the son of Berechiah and grandson of Meshezabel, build the next section. Na Zadok son of Baana build the next section.

⁵ Na the men of Tekoa build the next section, but the men wey dey lead for the town no gree do the manual labour wey supervisors give them make dem do.

⁶ Na Joiada son of Paseah and Meshullam son of Besodeiah rebuild Jeshanah Gate. Dem put the brace and the gate in place, and dem put in the bolts and bars to dey lock the gate.

⁷ Na Melatiath from Gibeon, Jadon from Meronoth, and the men of Gibeon and Mizpah build the next section, far reach the residence of the governor of West Euphrates.

⁸ Na Uzziel son of Harhaiah, wey be goldsmith, build the next section. Na Hananiah, wey dey make perfume, build the next section, take reach Broad wall.

⁹ Na Rephaiah son of Hur, wey be ruler of half of the Jerusalem district, build the next section.

¹⁰ Na Jedaiah son of Harumaph build the next section, wey dey near him house. Na Hattush son of Hashabneiah build the next section.

¹¹ Na Malchilah son of Harim and Hasshub son of Pahath Moab build the next section and the Tower of the Ovens.

¹² Na Shallum son of Hallohesh, ruler of the other half of the Jerusalem district, build the next section. (Him daughter help him with the work.)

¹³ Na Hanun and people wey dey live for the city of Zanoah rebuild the Valley Gate. Dem put the gate in place, dem put bolts and bars to dey lock the gate, and dem repair the wall for 440metres, far reach the Rubbish Gate.

¹⁴ Na Malchijah son of Rechab, ruler of Beth Haccherem District, rebuild the Rubbish Gate. He don put the gate in place, and he don put in the bolts and the bars to dey lock the gate.

¹⁵ Na Shallum son of Colhozeh, ruler for the Mizpah District, rebuild the Fountain Gate. He don cover the city gate and put the gate in place, and put the bolts and the bars. He con build the wall next to the royal garden for the pool of Shelah, far reach the steps wey dey lead down from the city of David.

¹⁶ Na Nehemiah son of Azbuk, ruler of the half of Bethzur District, build the next section, far reach tomb of David, the pool, and the barracks.

¹⁷ Na the following Levites rebuild the Next several sections of the wall: Na Rehum son of Bani build the next section; na Hashabiah, ruler of half Keilah District, build the next section for him district;

¹⁸ Na Bavvai son of Henadad, wey be ruler of the other half of the Keilah District, build the next section;

¹⁹ Na Ezer son of Jeshua, ruler of Mizpah, build the next section in front of the armoury, go far reach the place where the wall dey turn;

²⁰ Na Baruch son of Zabbai build the next section, far reach the entrance to the house of the high Priest Eliashib;

²¹ Na Meremoth, the son of Uriah and grandson of Hakkoz, build the next section, take reach far end of Eliashib house.

²² Na the following priest rebuild the next several sections of the wall: na Priests from the area around Jerusalem build the next section;

²³ Na Benjamin and Hasshub build the next section, wey dey in front of their house; Na Azariah, the son of Maaseiah and grandson of Ananiah, build the next section, wey dey in front of him house;

²⁴ Na Binnui son of Henadad build the next section, from Azariah house go the corner of the wall;

²⁵ Na Palal son of Uzai build the next section, beginning at the corner of the wall and the tower of the upper palace wey dey near the court of the guard;

²⁶ Na Pedaiah son of Parosh build the next section, take reach a point for east near the Water gate and for the tower wey dey guard the Temple. (This dey near part of the city wey dem dey call Ophel, where the temple workmen dey live.)

²⁷ Na the men of Tekoa build the next section, their second one, from a point wey dey opposite the large tower wey dey guard the Temple far reach the wall near Ophel.

²⁸ Na a group of priests build the next section, wey dey go north from the Horse Gate, each one dey build for front of him own house.

²⁹ Na Zadok son of Immer build the next section, wey dey front of him house. Na Shemaiah son of Shecanaiah, wey be keeper of the East Gate, build the next section.

³⁰ Na Hananiah son of Shelemiah and Hanum, wey be the sixth son of Zalaph, build the next section, their second one. Na Meshullam son of Berechiah build the next section, wey dey for front of him house.

³¹ Na Malchijah, wey be goldsmith, build the next section, take reach the building wey the temple workmen and the merchants dey use, wey dey by the Miphkad Gate, near the room on top the north-east corner of the wall.

³² Na the goldsmith and the merchants build the last section, from the room wey dey the corner take reach the Sheep Gate.