Nigerian Pidgin Bible
Leviticus 15
1 God give Moses and Aaron the rules wey follow
2 for people of Israel: Any person wey get discharge for private part dey unclean.
3 The person dey unclean whether the discharge dey flow or e don stop.
4 If a man wey get discharge lie on top bed, the bed don become unclean. Everything wey him sit on top don become unclean.
5 If una touch that bed, una must wash una cloth and use water bath. Una go dey unclean till evening.
6 If una sit down for anything wey the man don sit on top, una must wash una cloth and use water bath. Una go dey unclean till evening.
7 If una touch him, una must wash una cloth and use water bath, and una go dey unclean till evening.
8 If he spit on una, una must wash una cloth and use water bath, una go dey unclean till evening.
9 If that man sit on top horse seat, the sit go become unclean.
10 If una touch or carry anything wey dey under him, una go be unclean till evening.
11 If he touch una, una must wash una cloth and use water bath. Una go dey unclean till evening.
12 If a man wey get discharge touch a clay bowl, make una break the bowl. If na bowl wey dem make with wood he touch, make una wash am inside water.
13 After the man discharge don cure, he go wait for seven days and wash him cloth and bath for inside fresh water, and he go become clean.
14 On the eight day, he go take two dove or two pigeon go entrance of Tabernacle Tent and give am to the priest.
15 The priest go come offer one for sin offering and the other for burnt offering. Na for this way he go make the man pure before God.
16 When a man get release of semen, he must bath all him body for water, and he go remain unclean till evening.
17 If the semen dey for any cloth or leather, make una wash the cloth or leather with water, and e go dey unclean till evening.
18 After a man and woman don sleep together, both of them must bath with water, and dem go dey unclean till evening.
19 When a woman get her monthly period, she go dey unclean for seven days. Anyone wey touch her go dey unclean till evening.
20 Anything wey she sit or lie on top during her monthly period go be unclean.
21-
23 Any person wey touch her bed or anything wey she don sit must wash him cloth and bath, and he go be unclean till evening.
24 If a man sleep with her when she dey do her monthly period, he go become unclean for seven days, and any bed wey he sleep go be unclean.
25 If a woman get blood flow pass her monthly period or if her flow continue pass her normal period, she go remain unclean as the flow dey continue, just as she dey during her monthly period.
26 Any bed wey she sleep and anything wey she sit on top for that time go dey unclean.
27 Anyone wey touch them go be unclean and must wash him cloth and bath; he go be unclean till evening.
28 After her flow don stop, she go wait for eight days. After that, she go dey clean.
29 On the eight day, she go bring two doves or two pigeon to the priest for entrance of Tabernacle Tent.
30 The priest go offer one of them for sin offering and the other for burnt offering, and na for this way the priest go make her pure before God.
31 God tell Moses make he warn people of Israel about when dem dey unclean, so that dem no go make my holy Tent unclean. If dem make am unclean, dem go die.
32 This na rules for a man wey get discharge or release of semen,
33 a woman when she dey her monthly period, or a man wey sleep with a woman wey no dey clean.