Joshua 13

¹ When Joshua don old, God tell him say, “Joshua you don grow old, but land still plenty wey you go take control.

² You never take the land of Gershur or land of Philistines.

³ You never take the area of Shihor River for Egypt to border of Ekron and the land wey dey for north. Na Canaanites still get that land. You go still defeat the five Philistine leaders for Gaza, Ashdod, Ashkelon, Gath, and Ekron. You go also defeat the Avvites

⁴ wey dey live for south of the Canaanite land. And you go still go north to take Mearah, wey Sidonians dey control. From there you go still go far reach Aphek for Amorite border.

⁵ You never defeat the area of Gebalites. And other area of Lebanon still dey wey dey east of Baal Gad below Mount Hermon take reach Lebo Hamath.

⁶ The people of Sidon dey live for hill country from Lebanon take reach Misrephoth Maim. But I go force them out because of Israelites. Dey sure say you remember this land when you dey divide the land among the Israelites. Do am as I tell you.

⁷ Now, make you divide the land among the nine tribes and half tribe of Manasseh.”

⁸ Tribes of Reuben, Gad, and other half of Manasseh tribe don already get their own land. Na God servant, Moses, give them the land wey dey for east of Jordan River.

⁹ Their land start from Aroer by Arnon Valley and continue reach town for middle of the Valley. And the plain from Medeba take reach Dibon na part of am.

¹⁰ All the towns wey King Sihon of Amorites rule dey for that land. Na for city of Heshbon he dey rule. The land continue to the area where Amorites don live.

¹¹ Town of Gilead na part of that land too. And the area where people of Geshur and Maacah don live na part of am. All of Mount Hermon and Bashan far reach Salecah na part of that land.

¹² All the kingdom of King Og na part of the land. King Og rule for Bashan. For past, Moses don defeat those people and take their land.

¹³ The Israelites no force the people of Gershur and Maacah out. Dem still dey live among Israelites today.

¹⁴ Na Levi tribe be the only tribe wey no get any land. Instead, dem give the Levites all the animals wey dem offer to the LORD, God of Israel. Na wetin God promise them be that.

¹⁵ Moses don give each family group from Reuben tribe some land. Na the land dem receive be this:

¹⁶ Na the land from Aroer near Arnon Valley to Medeba town. E include the land and the town for middle of the valley.

¹⁷ The land reach Heshbon. E include all the towns on the plain. Those towns na Dibon, Bamoth Baal, Bet Ball Meon,

¹⁸ Jahaz, Kedemoth, Mephaat,

¹⁹ Kiriathaim, Sibmah, Zereth Shahar on the hill for valley,

²⁰ Beth Peor, hills of Pisgah, and Beth Jeshimoth.

²¹ So, that land include all the towns on top plain and all the area wey King Sihon don rule. He rule for Heshbon town, but Moses don defeat him and the leaders of Midianites. The leaders na Evi, Rekem, Zur, and Reba. (Dem all fight together with Sihon.) And all of them live for that country

²² The Israelites defeat Balaam son of Beor. (Balaam try use magic to tell future.) the Israelites kill plenty people during the fight.

²³ The land wey be Reuben own stop for shore of Jordan River. So the land wey dem give to the family group of Reuben include all there towns and their fields wey dem list.

²⁴ Na the land wey Moses give Gad tribe be this. Na each tribe he give this land:

²⁵ He give them Jazer land, all towns of Gilead, and half of Ammonites land wey far reach Aroer near Rabbah.

²⁶ Their land include from Heshbon area take reach Ramath Mizpah and Betonim, from Mahanaim reach Debir land,

²⁷ valley of Beth Haram, Beth Nimrah, Succoth and Zaphon, and the rest of the kingdom of King Sihon of Heshbon, along Jordan all way up reach Lake Galilee for eastern side of the river.

²⁸ All this land na the land wey Moses give the family group of Gad. That land include all the towns wey dey for list. Moses give that land to each family group.

²⁹ Na the land wey Moses give half tribe of Manasseh be this. Na half of all families wey dey Manasseh get this land.

³⁰ The land start for Mahanaim. The land include all of Bashan, all the land wey king Og of Bashan don rule, and all the towns of Jair in Bashan. Na 60 cities all of them be.

³¹ The land also include half of Gilead, Ashtaroth, and Edrei. (Gilead, Ashtaroth, and Edrei na the cities wey King Og don live.) All this land na the land wey dem give family of Makir son of Manasseh. Half of all him sons get this land.

³² Moses give all this land to these tribes. He do am when the people dey camp for plains of Moab. This na across Jordan River, east of Jericho.

³³ Moses no give any land to Levi tribe. The LORD, God of Israel don promise say na him go be gift for Levi tribe.