Job 5

¹ Job, see if anybody go answer when you call out. E get any angel wey you fit turn to?

² E no go make sense to dey destroy yourself to death with bitterness, na foolish thing.

³ I don see fools wey look safe, but I call sudden curse on their house.

⁴ Their children no go ever dey safe; nobody go defend them for court.

⁵ Hungry people go chop the crop of the fools, even the grain wey dey grow among thorns, and greedy people go take all him wealth.

⁶ Evil no dey grow for soil, and trouble no dey grow from ground.

⁷ No, for sure! Na people dey bring trouble on top themselves, as e sure say spark dey fly commot from fire.

⁸ If I be you, I go turn to God and I go present my case to him.

⁹ We no fit understand all the great thing wey he dey do, and him miracle no get end.

¹⁰ He dey send rain on top the land and he dey water the field.

¹¹ Yes, na God dey raise the humble and he dey give joy to those wey dey for sorrow.

¹² He dey spoil the plan wey smart people get, so that dem no go succeed

¹³ He dey catch those wey think say dem wise inside their own traps, and end their evil plan.

¹⁴ Daylight go be like darkness for them. Even afternoon go dey feel dark to them.

¹⁵ But God dey save the poor from death; he dey save the needy from oppression.

¹⁶ He dey give hope to the poor and he dey silent the wicked.

¹⁷ Person wey God correct go dey happy; no dey complain when God punish you.

¹⁸ God dey bandage the wound wey him make; him hand dey wound you, and him hand dey heal.

¹⁹ Time after time he go save you from trouble;

²⁰ when food no dey the land, him go keep you alive, and for war him go protect you from death.

²¹ God go save you from bad-belle people; him go save you when destruction come.

²² You go laugh for trouble and hunger and you no go fear terrible animal.

²³ The farm wey you dey plant go dey free of rock; terrible animal no go ever attack you;

²⁴ You go live in peace for your tent; when you look at your sheep, you go see say dem dey safe.

²⁵ You go get plenty pikin. Dem go plenty like blade of grass for field.

²⁶ You go be like wheat wey grow reach the harvest time. Yes, you go live reach old age.

²⁷ Job, we don study this and we know say e dey true. So, make you accept am.