Nigerian Pidgin Bible
Job 41
1 Shey you fit catch Leviathan with fishhook or tie down him tongue with rope?
2 You fit put rope through him nose or put hook through him mouth?
3 Shey e go beg you make you free am? E go beg with you for mercy?
4 Him go make agreement with you and promise say e go serve you forever?
5 You go tie am up like bird, like something to dey use amuse your servant women?
6 Shey fishermen go price am? Merchant go cut am up for sell?
7 You fit chuk am with spear for head or skin?
8 Touch am once and you no go ever try am again; you no go ever forget the fight!
9 Anyone wey see Leviathan dey lose courage and fall for ground.
10 When e rise up, e dey show power; nobody fit try stand before am.
11 Who fit attack am and still dey safe? Nobody for the world fit do am.
12 Make I tell you about Leviathan leg and explain how great and strong e be.
13 Nobody fit tear the coat wey dey outside hin body or chuk the armor wey e dey wear.
14 Who fit make am open hin mouth, wey get teeth wey dey fear person.
15 Na row of shield dem use make hin back, dem join together and e hard like stone.
16 Dem join each one tight next to each other, even air no fit pass between them.
17 All of them tight together well wey be say nothing fit separate them.
18 Light dey flash when e sneeze, and hin eye dey shine like sun wey dey rise.
19 Flame dey burn from hin mouth, and stream of spark dey fly out.
20 Smoke come dey pour commot from hin nose, like smoke from wood wey dey burn under pot.
21 Him breath dey set coal on fire; flame dey commot from him mouth.
22 Him neck dey powerful so tey everybody wey meet am dey shake with fear.
23 Weak spot no dey for hin skin; e dey hard like iron.
24 Hin heart wey be like stone no get fear, and e stiff and hard like milestone.
25 When he rise up, even those wey dey strong pass dey fear; fear dey make them helpless.
26 No sword fit wound am; no spear or arrow fit harm am.
27 Arrow just be like grass for am, and bronze soft like rotten wood to am.
28 No arrow dey wey fit make am run; rock wey dem throw to am be like grass.
29 Pack of wood be like straw to am, and he dey laugh when men dey throw spear.
30 The scale wey dey him belle be like sharp piece of pottery wey don break; E dey leave tracks inside mud like threshing board.
31 He dey turn sea like water wey dem dey boil and make am bubble like pot of oil.
32 E dey leave one way wey dey shine behind am and turn the sea to white foam.
33 Nothing dey for this earth wey fit dey compare with am; e be creature wey no get fear.
34 E dey look animal wey dey proud pass like say e be nothing; na king of all terrible beast e be.