Job 30

¹ But men wey young pass me dey make fun of me now! Their papa don dey useless so tey I no go fit allow them help my dog guard sheep.

² Dem be bunch of men wey don worn out, dem too weak to do any work for me.

³ Dem dey poor and hungry so tey dem go chop dry root for night, for terrible and empty place.

⁴ Dem commot plant for desert and chop am, even the broom tree root wey no get taste!

⁵ Everyone use shout drive them away, like say dem dey shout on top thief.

⁶ Na cave dem con dey live for inside hole wey dem dig beside cliff.

⁷ Dem dey cry like animal inside bush and gather together under bush.

⁸ Dem be useless people wey no get name! Dem don drive them commot from the land.

⁹ Now dem dey come laugh me! I be nothing but joke to them

¹⁰ Dem hate me and stay away from me, and even come spit for my face.

¹¹ Because God don make me weak and helpless, dem turn against me with all their anger.

¹² Dem attack me for every side; dem pursue me; dem prepare their final attack.

¹³ Dem stop my escape and try destroy me; and nobody dey to stop them.

¹⁴ Dem pass through holes in my defense and dem crash down on top me;

¹⁵ Fear don overcome me; my honor don go like breeze, and my prosperity don go like cloud.

¹⁶ Now I don almost die; relief no dey for my suffer.

¹⁷ For night my bone dey ache; the pain wey dey bite me no dey stop.

¹⁸ God seize me by my collar and twist my cloth out from shape.

¹⁹ He throw me down inside mud; I no better pass dirty.

²⁰ O God, I dey call you, but you no dey answer; and when I pray you no dey listen.

²¹ You dey wicked me; you dey punish me with all your power.

²² You allow wind blow me commot; you dey throw me around inside terrible storm.

²³ I know say you dey carry me to my death., you dey carry me to the fate wey you don keep for everyone.

²⁴ Why you dey attack person wey don spoil, person wey no fit do anything but to beg for pity?

²⁵ I no weep for people wey dey for trouble and feel sorry for those wey dey in need?

²⁶ I dey hope for happiness and light, but na trouble and darkness dey come instead.

²⁷ Worry and pain don tear me apart; I don dey suffer day by day.

²⁸ I dey go around inside darkness, without sunshine; I stand up for public and I beg for help.

²⁹ My voice dey sad and lonely like the one wey jackal or ostrich dey cry.

³⁰ My skin don turn dark, fever dey kill me.

³¹ I been dey hear joyful music before, but now na only cry and sorrow I dey hear.