Job 16

¹ Job con answer say:

² I don hear word like that before; the comfort wey you dey give na just suffer.

³ Shey you go continue dey talk forever? Shey you go continue dey argue?

⁴ If to say you dey for my shoe and I dey your own, I fit talk everything wey you dey talk. I fit shake my head and say wise things against you.

⁵ I fit give you strength with advice and continue dey talk to make you feel good.

⁶ But nothing wey I dey talk dey help, and to dey silent no dey calm my pain.

⁷ God, you don make me tire; you don allow my family die.

⁸ You don arrest me; you be my enemy. I be skin and bone, and people dey take that as proof say I dey wrong.

⁹ God dey tear me from hand to leg as he dey vex; he dey look me with hate.

¹⁰ People dey make fun of me; dem dey gather round me and dem dey slap me for face.

¹¹ God don hand me over to evil people.

¹² I been dey live in peace but God hold me for throat and beat me and match me. God use me for practice

¹³ and shoot me arrow from every side - arrow wey dey chuk me and wound me; and him no dey even pity me.

¹⁴ He dey wound me again and again; he dey attack like soldier wey don run mad with hate.

¹⁵ I dey mourn and I dey wear cloth wey dem use sack do, and I dey siddon for dust in defeat.

¹⁶ I don cry so tey my face red, and my eye don swell and shadow circle am,

¹⁷ but I no dey guilty of any bad thing, and my prayer to God dey sincere.

¹⁸ O Earth, no hide the wrong things wey don happen to me; no let my call for justice dey silent.

¹⁹ Someone dey for heaven wey go stand for me and take my side.

²⁰ My friend dey mock me; my eyes dey pour out cry to God.

²¹ I wan make person help me beg God, as person dey beg for friend.

²² My years dey pass now, and I dey waka for road of no return.