Jeremiah 31

¹ God talk say, “The time dey come when I go be the God of all tribe of Israel, and dem go be my people.

² I show mercy to those people wey don escape death for desert. When people of Israel wan rest,

³ I con appear to them from far away. People of Israel, I don always love una, so I continue to dey show una my constant love.

⁴ Once again I go rebuild una. Once again una go take una tambourines and una go dance with joy.

⁵ Once again una go plant vineyard on hill of Samaria, and those who plant them go chop wetin the vineyard produce.

⁶ Yes, the time dey come when the watchmen go call out on top hill of Ephraim, ‘Make we go to Zion, to the LORD our God.’”

⁷ God talk say, “Make una sing with joy for Israel, the nation wey great pass. Make una sing una song of praise, ‘God don save him people; he don rescue all people wey remain.’

⁸ I go bring them from the north and gather them from the ends of all the earth. The blind and lame go come with them, pregnant women and those wey don dey near to born. Dem go come back as great nation.

⁹ Dem go come back crying, but I go lead them and comfort them. I go guide them to stream of water, on top smooth road where dem no go fall. I be like father to Israel, and Ephraim na my eldest son.”

¹⁰ God talk say, “Nations, make una hear me, make una announce my words go abroad. I scatter my people, but I go gather them and guard them like shepherd dey guard him sheep.

¹¹ I don set people of Israel free and I don save them from mighty nations.

¹² Dem go come and sing for joy on top Mount Zion and dem go like my gifts - gift of corn and wine and olive oil, gift of sheep and cattle. Dem go be like garden wey get enough water; dem go get everything wey dem need.

¹³ Then the young women go dance and dey happy, and men, young and old, go rejoice. I go comfort them and turn their weeping to joy, their sorrow to gladness.

¹⁴ I go make the priest belleful with the food wey rich pass and I go satisfy the needs of my people. I, the LORD, don talk.”

¹⁵ God talk say, “I dey hear sound from Ramah, sound of bitter weeping. Rachel dey cry for her children; dem don go, and she no gree make anybody comfort her.

¹⁶ Stop to dey cry and wipe your tears away. All things wey you don do for your children no fit go without reward; dem go come back from the land of enemy.

¹⁷ Hope dey for your future; your children go come back home. I, the LORD, don talk.

¹⁸ “I hear people of Israel dey talk in sorrow say, “God, we be like wild animal before, but you teach us to obey. Bring us back; we don ready to come back to you, the LORD, our God.

¹⁹ We don turn away from you, but we wan come back. After you don punish us, we dey for sorrow. Shame and disgrace dey catch us, because we don sin when we dey young.’

²⁰ “Israel you be my son wey I love pass, the pikin wey I love pass. Anytime wey I mention your name, I dey think of you with love. My heart dey follow you; I go dey merciful.

²¹ Make una set up signs and mark the road; make una find the way wey una commot again. Make una come back, people of Isreal, make una come home to the land wey una don commot.

²² How long una go delay, people wey no get faith? I don create something new and different, e different like woman wey dey protect man.”

²³ The LORD Almighty, the God of Israel talk say, “When I bring the people back go their land, dem go once again in the land of Judah and hin town talk say, ‘May God bless the holy hill of Jerusalem, the holy place where he dey live.’

²⁴ People go live for Judah and for all hin town, and farmer go dey there, and shepherd with their flocks.

²⁵ I go refresh those wey don tire and I go satisfy anyone wey hunger don wire, with food.

²⁶ So, people go say, ‘I wan go sleep and wake up strong.’

²⁷ “I, the LORD, talk say that time dey come when I go fill land of Israel and Judah with people and animal.

²⁸ And just as I don take care to uproot, to pull down, to overthrow, to destroy, and to demolish them, naso I go take care to plant them and to build them up.

²⁹ When that time come people no go talk again say, ‘Na the parent dey chop the bitter grape but na children dey get the bitter taste.’

³⁰ Instead, all those wey chop bitter grape go get their bitter taste, and dem go die because of their own sin.”

³¹ God talk say, “The time dey come when I go make new covenant with people of Israel and people of Judah.

³² E no go be like the old covenant wey I make with their ancestor when I hold them for hand and lead them out of Egypt. Although I be like husband to them, dem no keep that covenant.

³³ The new covenant wey I go make with people of Israel go be this: I go put my law within them and write am for their heart. I go be their God, and dem go be my people.

³⁴ None of them go teach him fellow-citizen to know God, because all of them go know me, from least to the greatest. I go forgive their sins and I no go remember their wrongs. I, the LORD, don talk.”

³⁵ Na God dey provide sun to dey give light by the day, the moon and the stars to shine for night. He dey stir up the sea and dey make am shout; Na Almighty God be him name,

³⁶ He promise say as long as natural order last, Israel go continue to be nation.

³⁷ If one day person fit measure the sky and fit know the foundation of the earth, na only then he go fit reject people of Israel because of wetin all of them don do. God don talk

³⁸ God talk say, “The time dey come, when dem go rebuild all Jerusalem as my city, from Hananel Tower for west take reach the Corner Gate.

³⁹ And the boundary line go continue from the west go hill of Gareb and then round reach Goah.

⁴⁰ The entire valley, where dem dey bury people wey don die and dey throw dirty, and all the field wey dey above stream of Kidron as far as Horse Gate for east, go be holy to me. The city no go ever be teared down or destroyed again,”