Isaiah 38

¹ King Hezekiah con fall sick and almost die around this time. Prophet Isaiah son of Amoz go meet him and tell him say, “God don tell you say make you put everything in order because you no go recover. Make you dey ready to die.”

² Hezekiah con turn him face to wall and pray say:

³ God, remember say I don serve you well and I dey loyal, and I don always try to dey do wetin you want make I do.” And he begin to dey cry.

⁴ Then God command Isaiah say

⁵ make he go back to Hezekiah and tell him say, “I, the LORD, God of your ancestor David, don hear your prayer and see your tears; I go allow you live for 15 years more.

⁶ I go rescue you and this city of Jerusalem from emperor of Assyria, and I go continue to dey protect the city.”

⁷ Isaiah tell the king say make he put a paste wey he use fig make for him boil, and he go get well.

⁸ Then king Hezekiah ask say, “Wetin be the sign to prove say I go fit go up to the house of God.”

⁹ Isaiah reply say, “God go give you sign to prove say he go keep him promise.

¹ On the stairway wey king Ahaz build, God go make the shadow go back ten steps.” And the shadow go move back ten steps.

¹ After Hezekiah don recover from him sickness, he con write this song of praise:

¹ I think say in the good time of life I dey go the world of the dead, say I no go ever live my life again.

¹ I think say I no go ever see God or any living person for this world of the living again.

¹ My life don cut off and end, like tent wey dem take down, like cloth wey dem cut from machine. I think say God dey end my life.

¹ I dey cry out with pain all night, as if say lion dey break my bone. I think say God dey end my life.

¹ My voice dey low and weak, and I dey cry like dove. My eyes tire to dey look heaven. God, make you rescue me from all this trouble.

¹ Wetin I fit say? God don do this. My heart dey bitter and I no fit sleep.

¹ God, I go live for you, for you alone; make you heal me and allow me live.

¹ My bitterness go turn to peace. Na you save my life from all dangers; you forgive all my sins.

² No one wey dey world of dead fit praise you; the dead no fit trust your faithfulness.

² Na person wey dey alive dey praise you, as I dey praise you now. Parents dey tell their children how faithful you be.

² God, you don heal me. we go play harp and we go sing praise to you, and sing praise for your Temple as long as we dey live.