Isaiah 25

¹ You be my God; I go honour you and I go praise your name. you don do amazing things; you don carry out the plans wey you make long ago faithfully.

² You don destroy cities and you don destroy their strong wall. The palace wey our enemy build don go for ever.

³ People of powerful nation go praise you; city of wicked nation go fear you.

⁴ The poor and helpless don run to you and you don safe them in time of trouble. Na you give them shelter from storm and you give them shade from burning heat. Wicked enenmy dey attack like winter storm,

⁵ Like drought for dry land. But, LORD, you don silence our enemy; you don silence the shout of wicked people, as cloud dey cool hot day.

⁶ Almighty God go prepare meal for all nation of the world for here on Mount Zion-meal of food wey rich pass and wine wey fine pass.

⁷ He go remove cloud of sorrow wey don dey hang on top all the nation.

⁸ Almighty God go destroy the death for ever! He go wipe away the cry wey dey everyone eyes and he go take away the shame wey him people don suffer throughout the world. God himself don talk!

⁹ When e happen like dat, everyone go talk say, “Na our God he be! We don put our trust in him, and he don rescue us. Na the LORD he be! We don put our trust in him, and now we dey happy and joyful because he don save us.”

¹ God go protect Mount Zion, but people of Moab go perish, just as dem dey match straw inside manre.

¹ Dem go stretch out their hand like say dem dey try swim, but God go put them for shame, and their hand go sink without help.

¹ He go destroy towers of Moab with their high walls and he go bring them down to dust.