Nigerian Pidgin Bible
Genesis 7
1 When everything don ready, God tell Noah say enter inside boat with all your family because na only you dey do right thing out of all the people wey dey earth.
2 Take seven pairs of animals wey I don approve for food and sacrifice but one pair of other animals.
3 Also take seven pairs of every kind of bird, male and female must dey for each pair to make sure say all animals go survive after flood.
4 In seven days time, I go make rain fall on earth and e go rain for forty days and forty nights until I don destroy every living thing wey I create.
5 Naso Noah do as God don command him.
6 Noah na 600 years when flood cover earth.
7 He enter inside boat with him family to escape flood.
8 Different kind of animal dey with them, the ones wey God approve for food and sacrifice and the ones wey no be for food and sacrifice, including all birds and small animals wey dey crael for ground.
9 Dem enter boat in male and female as God don command Noah.
10 After seven days, flood water con cover earth.
11 When Noah reach 600 years, for seventeenth day of second month, all water wey dey under ground burst comot from earth, and heavy rain come fall from sky,
12 the rain come fall for forty days and forty nights.
13 That day, Noah go inside boat with all him family.
14 With them inside boat na place for every kind animal, house and bush animal, large and small animal, including birds of all kinds.
15 Dem enter inside boat two by two and they represent all living things wey dey breathe on top earth. Male and female of each kind enter
16 as God don command Noah. Then God close door for their back.
17 For forty days flood water dey grow deeper, e cover ground and dey push boat up above earth.
18 As the water dey rise high above ground the boat begin dey float safely.
19 Finally, the water come cover the mountain wey high pass for earth;
20 e rise pass twenty two feet above wetin dey high pass.
21 All living thing wey dey untop earth die, all bird, all animal and every person.
22 Everything wey get life wey dey live on top dry land die.
23 God destroy every living things wey dey on top earth, people, animal, small animal wey dey crawl for ground and birds wey dey sky. Only people wey survive na Noah and him family.
24 Flood water come cover earth for 150 days.