Ezekiel 47

¹ The man lead me back go entrance of the Temple. Water dey come out from under the entrance and dey flow go east, the direction wey the Temple face. E dey flow down under south part of the temple pass south side of the alter.

² Then, the man come take me commot from the temple area for north gate way and lead me round go gate wey face east. Small stream of water dey flow out for the south side of the gate.

³ The man measure 500 meter for downstream go east with hin measuring rod and tell me make I walk through the stream for there, and the water reach my ankle.

⁴ Then he come measure another 500meter, and the water reach my knees. And he come measure another 500 meter again, and the water come up and dey touch my waist.

⁵ He come measure another 500 meter again, and the stream come deep wey be say I no fit walk through am. E deep wey be say, person no fit cross am except swimming.

⁶ He tell me say, "Son of man, dey note all this thing carefully." Then, the man take me go back bank of the river,

⁷ And when I reach there, I see say each bank get plenty trees..

⁸ He tell ne say, "This water dey flow from through the land go east and down go Jordan valley and go Dead sea. When e flow go dead sea, e dey replace the salt water of the sea to fresh water.

⁹ Anywhere wey the stream flow, all kind animal and fish go dey. The stream go make water wey dey Dead sea fresh, and anywhere wey e flow, e go bring life.

¹⁰ From spring of Engedi go spring of Eneglaim, fishermen go dey for the shore of the sea and dem go spread their net to dry for there. Different kind plenty fish go dey for there as them dey Mediterranean Sea.

¹¹ But water wey dey marshes and pond along the shore no go be make fresh, but dem go remain for there as source of salt.

¹² All kind trees go grow to provide food for each bank of the stream. Teir leaves no go dry, and dem no go stop to dey produce fruit, dem go get fresh fruit every month, because the stream wey dey flow from Temple dey water them. The trees go provide food and hin leave go be use to dey heal people,"

¹³ The Almighty God talk say, "These na the boundary of the land wey the twelve tribes go divide, and with tribe of Joseph dey receive two sections/

¹⁴ I don make promise with una ancestors say I go give them possession of this land; now make una divide am equally among una self.

¹⁵ "The northern boundary go eastward from Mediterranean sea wey dey 5the city of Hethlon, go Hamath pass, go city of Zedad,

¹⁶ Go city of Berorhah and Sibraim {them dey between territory of kingdom of Damascus and that of kingdom of Hamath}.

¹⁷ So the north boundary dey go drom Mediterranean eastward go city of Enon, with border of region of Damascus and Hamath go hin north.

¹⁸ "The south boundary dey go south from point wey dey between territory of Damascus Hauran, and River Jordan dey form boundary between land of Israel for west and Gilead for east, and even go Tamar for Dead sea.

¹⁹ "The south boundary dey go south-west from Tamar go oasis for Kadesh Meribah, and then north-west Egyptian border go the Mediterranean Sea.

²⁰ "The west boundary dey form by Mediterranean and go north go point of west of Hamath pass.

²¹ "Divide this land among una tribe;

²² Na una own e go be. The foreigner wey dey live among una and wey don born children for here, make una give them their share when una divide the land. Make una treat them like full Israelite citizen and una go divide some land for them among tribe of Israel.

²³ Foreign people go receive their share with people of tribe among whom dem dey live. I, the Almighty God, don talk."