Nigerian Pidgin Bible
Ezekiel 42
1 After me and the man don commot for the temple and waka go back the outer courtyard, he come show me set of rooms on the north side for the west building.
2 This set of room na 50-meter-long and 25 meter wide.
3 One side of them na 10 meter of open space wey run alongside the temple, and on the other side na sideway wey circle outer courtyard. Na three level dem arrange the room.
4 With doors wey open go north, and walkway 5 meter wide and 50 meter long dey for their front.
5 The room wey dey the top level narrow pass the one wey dey middle level, and the rooms wey dey middle level narrow pass the one wey dey for bottom level.
6 The room wey dey bottom level dey support those wey dey the two upper level, and so these rooms no get column like other building wey dey courtyard.
7 For lower level the outer way of the building dey strong 25meter, wey be half of hin length, and room dey for the remaining 25meters.
8 For top level, rooms dey all length of the building.
9 And door dey for east end of this wall wey dry lead from courtyard go these rooms.
10 Set of rooms also dey for the South side of the west building.
11 These room na same with those wey dey for the north side, and dem also get walkway side for their front.
12 Doors wey go these rooms dey for east end of wall wey dey stand for their front.
13 The man come tell me say: these rooms wey dey for north and south side of the temple na holy room where priest of God go dey chop holy offering. This offering go include grain offering, sacrifice for sin, and sacrifice wey to make things right.
14 When the priest don ready to commot for temple, dem must pass this room before dem go outer courtyard. Dem must leave their holy clothe for this room and wear regular clothes before them go anywhere near other people.
15 After the man don finish to dey measure the building wey dey for temple area, he take me go back through east gate and measure the wall wey dey around the sea.
16 He use him measuring stick take measure east side of this wall: and e be 25meter long.
17 Then he come measure the north side,
18 south side, west side of the wall.
19 And each of them na 250 meter,
20 And the temple area be perfect square. The wall wey dey around this area separate holy things from things wey be ordinary.