Ezekiel 4

¹ God talk say, "Son of man, get a brick, and put am for your front and draw Jerusalem city on top am.

² And then pretend say na you be army wey surround the city. Build wall with dirty round the city to help you attack am. Build road with dirty go up the city wall. Bring battering rams and set up army camp round the city.

³ Take iron pan and set am up like wall between you and the city. Face the city, e don dey under attack and na you dey attack am. This go be sign to show nation of Israel.

4-

⁵ "Then lie down for your left side, and I go put the guilt of the Israel nation on top you. And you go stay there for

³⁹⁰ days and suffer for their sin. I don sentence you to one day for each year wey their punishment go last.

⁶ When you don finish that, turn go your right side and suffer for the sin of Judah for forty days - one day for each year of their punishment.

⁷ "Fix your eyes on top the attack of Jerusalem. Shake your hand for the city and prophesy against am.

⁸ I go tie you up so that you no go fit move until the attack finish.

⁹ "Now carry some wheat, barley, beans, peas, millet, and spelt. Mix all of them together and use them make bread. This na wetin you suppose dey eat during the

³⁹⁰ days wey you dey lie for your left side.

¹⁰ Na 230grammes I go allow you dey eat per day, and e go need to dey carry you till the next day.

¹¹ You go get amount of water to dey drink per day, na two cups per day.

¹² You go build fire from dry human shit, and bake bread on top the fire, and eat am where everyone fit see you."

¹³ God talk say, "This represent the way the Israelites go eat unclean food, when I scatter them go foreign countries."

¹⁴ But I reply am and talk say, "No, Almighty God! I never make myself unholy. From my childhood I never eat meat from animal wey die naturally or wey wild animal kill. I never eat any food wey no clean."

¹⁵ So God talk say, "very well. I go allow you use cow shit instead of human shit, and you fit bake your bread on top am."

¹⁶ And he add to am say, "Son of man, I go cut off food supply for Jerusalem. People there go dey worry and begin dey fear as dem dey measure the food wey dem dey eat.

¹⁷ Dem no go get enough food and water again; and dem go die because of their sins.