Nigerian Pidgin Bible
Exodus 30
1 Make altar with acacia wood, wey u go dey use burn incense.
2 Make e be square, 45 centimeters long and 45 centimeters wide, and make e be 90 centimeters high. Make the horns for four corner form one piece with am.
3 Cover the top for four sides with the horn with pure gold, and put gold border round am.
4 Make two gold rings wey dem go dey use carry am and attach am below the border for two sides to hold the poles wey dem go use carry am.
5 Make the pole with acacia wood and cover am with gold.
6 Put the altar outside the curtain wey hang for front of Covenant Box. Na the place wey I go meet you.
7 For every morning wey Aaron come get lamp ready, make he dey burn sweet-smelling incense on am.
8 Make he dey do the same thing when he come light the lamp for evening. And make incense offering continue for all time to come make e no stop.
9 On top the altar, make una no dey offer any forbidden incense, any animal offering, or any grain offering, and make una no pour any wine offering on top am.
10 Once a year, make Aaron dey perform ritual to purify the altar by putting blood of animal wey people use for sin offering on the four horns. Na every year una go dey do am for all time to come. This altar go be completely holy, make una dedicate am to me, the LORD.
11 God tell Moses say,
12 "When you count people of Israel, each man go pay me a price for him life, so that disaster no go come to him as census dey go on.
13 Everyone wey be part of the census go pay required amount of money, according to standard. Everyone go pay am as offering to me.
14 Every one wey dem count when dem dey count, every man wey don reach twenty years or older go pay me the amount.
15 The rich and poor go pay equal when dem pay the amount for their lives.
16 Make you collect the money from people of Israel and spend am for upkeep of the Tabernacle. The tax go be for their lives, and I go remember to protect them."
17 God tell Moses say,
18 "Make a bronze water basin with bronze stand. Place am between the Tabernacle and the altar, and put water inside am.
19 Aaron and him sons go use the water wash their hands and feet
20 before dem go inside the Tabernacle or near the altar to offer food offering. Then dem no go die.
21 Dem go wash their hand and feet, so that dem no go die. Na rule wey dem go dey obey be this and their descendants for ever."
22 God tell Moses say,
23 "Take finest spices " six kilogram of liquid myrrh, three kilogram of sweet-smelling cinnamon, three kilogram of sweet-smelling cane,
24 and six kilogram of cassia (weigh am according to standard). Add four liters of olive oil,
25 and make sacred anointing oil, mix am like perfume.
26 Make you use am anoint my Tabernacle, the Covenant Box,
27 the table and accessories, the lampstand and accessories, the altar wey dey for burning incense,
28 the altar for burning offerings, with all the accessories, and the wash basin with stand.
29 Dedicate them for this way, and dem go completely be holy, and if anyone or anything touch them, power of their holiness go harm am.
30 Then make you anoint Aaron and him sons, and ordain them as priests for my service.
31 Tell people of Israel say, "This holy anointing oil go be for my service for all time to come.
32 make una no pour am on ordinary men, and make una no use the same formula make another mixture like am. E dey holy, and make una treat am holy.
33 Anyone wey make something like am or use am on any person wey no be priest no go be one of my people again.
34 God tell Moses say, "Take equal amount of the sweet-spices wey follow " stacte, onycha, galbanum, and pure frankincense.
35 Use them make incense, wey be like perfume. Add salt make e keep am pure and holy.
36 Grind part of am to fine powder, take am to Tabernacle, and sprinkle am for front of Covenant Box. Treat the incense as completely holy.
37 No use the formula make any incense like am for yourselves. Treat am as holy thing wey dey dedicated to me.
38 If anyone go make any like am for use as perfume, he no go be one of my people again."