Nigerian Pidgin Bible
Exodus 28
1 Call on your brother Aaron and him sons, Nadab, Abihu, Eleazar, and Ithamar. Make you separate them from people of Israel, so that dem go fit serve me as priests.
2 Make priest garments for Aaron, so that him go get dignity and beauty.
3 Call all workers wey get skill and wey I don give ability, and tell them make dem do cloth for Aaron, so that dem fit dedicate him as priest to my service.
4 Tell them make dem make breastpiece, ephod, robe, shirt wey get design, turban, and sash. Make una sow priestly garment for your brother Aaron and him sons.
5 Make the ones wey get skills use blue, purple, and red wool, gold thread, and fine linen.
6 Dem go make ephod with blue, purple, and red wool, gold thread, and fine linen, decorate am with fine design.
7 Make dem attach two strap shoulders to the sides wey dem go dey use to tighten am.
8 Make dem attach fine belt wey dem use same materials sow to the ephod so that e go form one piece.
9 Take two carnelian stones and use am write name of twelve sons of Jacob.
10 for order of how dem born them with six on one stone and six on the other.
11 Get skillful jeweler wey go engrave name of Jacob sons on the two stones, and mount am for gold settings.
12 Put them for shoulder straps of the ephod make e represent twelve tribes of Israel. For this way Aaron go carry their names on him shoulder, so that I, the LORD go always remember my people.
13 Make two gold settings
14 and two pure gold chains make e get twist like cords, and attach am to the settings.
15 Make a breastpiece wey High Priest go dey use to dey determine will of God. Make dem build am with same materials wey dem use for ephod and make e get same decoration design.
16 Make e be square and fold am double, 22 centimeters long and 22 centimeters wide.
17 Put four row of precious stone on am; for the first row put ruby, topaz, and garnet;
18 for second row put emerald, sapphire, and diamond;
19 for third row put turquoise. Agate, and amethyst;
20 and for fourth row put beryl, carnelian, and jasper. Make dem put them for gold settings.
21 Each of the twelve stones go get name of Jacob sons make e represent tribes of Israel.
22 For the breastpiece make chains of pure gold, wey get twist like cords.
23 Make two gold rings and attach them to upper corner of the breastpiece,
24 and tighten the two gold cords to the two rings.
25 Tight the other two ends of the cords to the two settings, and for this way attach for front to shoulder straps of the ephod.
26 Then make two rings with gold and attach them to lower corners of the breastpiece for inside edge wey dey next to the ephod.
27 Make two more gold rings and attach am to lower part of two shoulder straps front of the ephod wey near the seam and above the belt.
28 Tie rings of breastpiece to rings of ephod with blue cord, so that the breastpiece go rest above the belt and make e no loose.
29 When Aaron enter the Holy Place, he go wear the breastpiece wey get names of tribes of Israel, so that I, the LORD go remember my people.
30 Put Urim and Thummim for the breastpiece, so that Aaron go carry them when he come my holy presence. For that kind time he go always wear the breastpiece, so that he go fit determine my will for people of Israel.
31 The robe wey go under the ephod go be complete blue wool.
32 Make e get hole for head, and make dem weave binding to reinforce the hole so that e no go fit tear.
33-
34 All round the lower hem put pomegranates of blue, purple, and red wool, and make gold bells alternate am.
35 Aaron go dey wear the robe when he serve as priest. When he come my presence for Holy Place or he leave am, the bell go dey make sound, and he no go die.
36 Make a pendant of pure gold, and engrave am like a seal with these words: Dedicated to the LORD.
37 Tie the pendant with blue cord to front of Aaron"s turban, where e go remain.
38 Aaron go dey wear am for him forehead, so that I, the LORD go accept all offerings wey Israelites dedicate to me, even if dem commit error as dem bring the offering.
39 Weave Aaron shirt of fine linen and make turban of fine linen and a sash wey get decoration.
40 Make shirts, sashes, and caps for Aaron sons, so that dem go get dignity and beauty.
41 Put the clothes on your brother Aaron and him sons. Then ordain and anoint them with olive oil, so that dem go serve as priests.
42 Make short linen wey go from waist reach thigh, so that dem no go naked.
43 Aaron and him sons must always wear them when dem dey go inside the Tabernacle or go altar to serve as priests for the Holy Place, so that dem no go die for exposing themselves. This one na permanent rule for Aaron and him descendants.