Esther 8

¹ Na that same day king Xerxes give Queen Esther all property wey belong to Haman, the enemy of Jews. Esther tell the king say Mordechai dey related to her, and from then dem don dey allow Mordechai to dey enter the presence of the king.

² The king commot him ring (wey he don take back from Haman) and give am to Mordechai. Esther put Mordechai make he dey in charge of Haman property.

³ Then Esther speak to the king again, she throw herself for him feet and dey cry. She beg him make he do something to stop the evil plan wey Haman, the descendant of Agag, don make against the Jews.

⁴ The king con bring out the gold staff to her, so she stand up and talk say,

⁵ "If e please Your Majesty, and if you dey care about me and if e dey right to you, abeg write a command to stop Harman order make dem no carry am out - those orders wey the son of Hammedatha the descendant of Agag don give say make them destroy all the Jews for the empire.

⁶ How I go fit endure am if this kind disaster come on top my people, and dem kill my own relative?"

⁷ King Xerxes con tell Queen Esther and Mordechai say, "the Jew, make una look, I don hang Haman for him plan against Jews, and I don give Esther him property.

⁸ But the letter wey dem don issue in the king name and wey dem don stamp with the royal seal no fit change. But una fit write anything wey una wan write to help una people, the Jews; and una fit write am in my name and stamp am with the royal seal."

⁹ Na on the 23rd day of the third month this happen, wey be the month of Sivan. Mordechai call the king secretaries and he dey dedicate letters to Jews and to the governors, administrators, and official of all the 127 provinces from India reach Ethiopia. He write the letter in the language of each province and translate am to the language of each group of people. Dem write the letter to the Jews in their own language and alphabet.

¹⁰ Mordechai don write the letters in the name of King Xerxes, and he don stamp them with the royal seal. Na riders wey dey on top the royal fast horse deliver am.

¹¹ These letters explain say the king go allow the Jews for every city to organize themselves for self-defence. If armed men of any nation for any province con attack the Jewish men, their children or their women, the Jews fit fight back and destroy the attackers; dem fit slaughter them to the last man and take their possessions.

¹² Make this decree take effect throughout the Persian Empire on the day wey dem choose to slaughter the Jews, wey be the thirteenth of Adar, the twelfth month.

¹³ Make them announce am as law and make everyone for every province know am, so that the Jews go dey ready to take revenge on top their enemies when that day don come.

¹⁴ As the king don command the riders mount the royal horses and dem ride out with top speed. Dem also make the decree public for Susa, the capital city.

¹⁵ Mordechai commot for the palace, dey wear royal robes of blue and white, a robes of fine purple linen, and a fine gold crown. Then the street of Susa con begin dey celebrate. The people dey happy.

¹⁶ For the Jews dem get joy and relief, happiness and sense of victory.

¹⁷ For every city and province, where dem read the announcement of the king, the Jews dey hold a joyful holiday with food and happiness. In fact, plenty people become Jews, because dem dey fear them now.