Esther 5

¹ Esther wear her royal robes on the third day wey she don dey fast and go stand for the inner courtyard of the palace, wey dey face the throne room. The king dey for inside, dey seat on top the royal throne, wey dey face the entrance.

² When the king see Queen Esther dey stand for outside, she win him favor, and he con hold out the gold staff to her. She come up and touch am.

³ The king ask say "Queen Esther, wetin happen?." "Tell me wetin you want, and you go get am - even if na half of my empire."

⁴ Esther reply say, "If e please Your Majesty, I go like make you and Haman be my guests tonight for party wey I dey prepare for una."

⁵ The king order Haman make he come quickly, so that dem fit be guest for Esther. Naso the king and Haman go to Esther party.

⁶ The king ask as he dey drink wine say, "Tell me wetin you want, and you go get am. I go grant your request, even if na half of my empire you ask for."

⁷ Esther reply say,

⁸ "If Your Majesty dey kind enough to grant my request, I go like make you and Haman be my guests tomorrow for another party wey I go prepare for una. Na that time I go tell una wetin I want."

⁹ Haman dey happy when he commot for the party and he dey for good mood. But then he con see Mordechai for the entrance of the palace, and when Mordechai no rise or show any sign of respect as he pass, Haman dey vex with him.

¹⁰ But he con control himself and go home. Then he invite him friends come him house and he ask him wife Zeresh make she join them.

¹¹ He brag to them how rich he dey, how many sons wey he get, how the king don promote him go high office, and how much more important he dey pass any of the other officials of the king.

¹² "Haman continue dey say, "Wetin dey again, queen Esther no do party for anyone but me and the king, and she don invite us make we come back tomorrow.

¹³ But none of this dey mean anything to me so far I dey see that Jew Mordechai dey sit for the entrance of the palace."

¹⁴ Naso him wife and all him friends con suggest say, "Why you no build a post wey dem dey use hang, wey go be 22 meters tall? You fit tell the king tomorrow morning make he hang him on am, and then you fit dey happy as you dey go the party." Haman think say na good idea, naso he build the post wey dem dey use hang.