Psalms 145 - Listen Online

¹ EMI o gbé ọ ga, Ọlọrun mi, ọba mi; emi o si ma fi ibukún fun orukọ rẹ lai ati lailai.

¹ I will extol thee, my God, O king; and I will bless thy name for ever and ever.

² Li ojojumọ li emi o ma fi ibukún fun ọ; emi o si ma yìn orukọ rẹ lai ati lailai.

² Every day will I bless thee; and I will praise thy name for ever and ever.

³ Titobi li Oluwa, o si ni iyìn pupọ̀-pupọ̀; awamaridi si ni titobi rẹ̀.

³ Great is the LORD, and greatly to be praised; and his greatness is unsearchable.

⁴ Iran kan yio ma yìn iṣẹ rẹ de ekeji, yio si ma sọ̀rọ iṣẹ agbara rẹ.

⁴ One generation shall praise thy works to another, and shall declare thy mighty acts.

⁵ Emi o sọ̀rọ iyìn ọla-nla rẹ ti o logo, ati ti iṣẹ iyanu rẹ.

⁵ I will speak of the glorious honour of thy majesty, and of thy wondrous works.

⁶ Enia o si ma sọ̀rọ agbara iṣẹ rẹ ti o li ẹ̀ru; emi o si ma ròhin titobi rẹ.

⁶ And men shall speak of the might of thy terrible acts: and I will declare thy greatness.

⁷ Nwọn o ma sọ̀rọ iranti ore rẹ pupọ̀-pupọ̀, nwọn o si ma kọrin ododo rẹ.

⁷ They shall abundantly utter the memory of thy great goodness, and shall sing of thy righteousness.

⁸ Olore-ọfẹ li Oluwa, o kún fun ãnu; o lọra lati binu, o si li ãnu pupọ̀.

⁸ The LORD is gracious, and full of compassion; slow to anger, and of great mercy.

⁹ Oluwa ṣeun fun ẹni gbogbo; iyọ́nu rẹ̀ si mbẹ lori iṣẹ rẹ̀ gbogbo.

⁹ The LORD is good to all: and his tender mercies are over all his works.

¹⁰ Oluwa, gbogbo iṣẹ rẹ ni yio ma yìn ọ; awọn enia mimọ́ rẹ yio si ma fi ibukún fun ọ.

¹⁰ All thy works shall praise thee, O LORD; and thy saints shall bless thee.

¹¹ Nwọn o ma sọ̀rọ ogo ijọba rẹ, nwọn o si ma sọ̀rọ agbara rẹ:

¹¹ They shall speak of the glory of thy kingdom, and talk of thy power;

¹² Lati mu iṣẹ agbara rẹ̀ di mimọ̀ fun awọn ọmọ enia, ati ọla-nla ijọba rẹ̀ ti o logo,

¹² To make known to the sons of men his mighty acts, and the glorious majesty of his kingdom.

¹³ Ijọba rẹ ijọba aiye-raiye ni, ati ijọba rẹ lati iran-diran gbogbo.

¹³ Thy kingdom is an everlasting kingdom, and thy dominion endureth throughout all generations.

¹⁴ Oluwa mu gbogbo awọn ti o ṣubu ró; o si gbé gbogbo awọn ti o tẹriba dide.

¹⁴ The LORD upholdeth all that fall, and raiseth up all those that be bowed down.

¹⁵ Oju gbogbo enia nwò ọ; iwọ si fun wọn li onjẹ wọn li akokò rẹ̀.

¹⁵ The eyes of all wait upon thee; and thou givest them their meat in due season.

¹⁶ Iwọ ṣi ọwọ rẹ, iwọ si tẹ́ ifẹ gbogbo ohun alãye lọrùn.

¹⁶ Thou openest thine hand, and satisfiest the desire of every living thing.

¹⁷ Olododo li Oluwa li ọ̀na rẹ̀ gbogbo, ati alãnu ni iṣẹ rẹ̀ gbogbo.

¹⁷ The LORD is righteous in all his ways, and holy in all his works.

¹⁸ Oluwa wà leti ọdọ gbogbo awọn ti nkepè e, leti ọdọ gbogbo ẹniti nkepè e li otitọ.

¹⁸ The LORD is nigh unto all them that call upon him, to all that call upon him in truth.

¹⁹ Yio mu ifẹ awọn ti mbẹ̀ru rẹ̀ ṣẹ: yio gbọ́ igbe wọn pẹlu, yio si gbà wọn.

¹⁹ He will fulfil the desire of them that fear him: he also will hear their cry, and will save them.

²⁰ Oluwa da gbogbo awọn ti o fẹ ẹ si: ṣugbọn gbogbo enia buburu ni yio parun.

²⁰ The LORD preserveth all them that love him: but all the wicked will he destroy.

²¹ Ẹnu mi yio ma sọ̀rọ iyìn Oluwa: ki gbogbo enia ki o si ma fi ibukún fun orukọ rẹ̀ mimọ́ lai ati lailai.

²¹ My mouth shall speak the praise of the LORD: and let all flesh bless his holy name for ever and ever.