Proverbs 21 - Listen Online

¹ AIYA ọba mbẹ lọwọ Oluwa bi odò omi; on a si dari rẹ̀ si ìbikibi ti o wù u.

¹ The king's heart is in the hand of the LORD, as the rivers of water: he turneth it whithersoever he will.

² Gbogbo ọ̀na enia li o dara li oju ara rẹ̀: ṣugbọn Oluwa li o nṣe amọ̀na ọkàn.

² Every way of a man is right in his own eyes: but the LORD pondereth the hearts.

³ Lati ṣe ododo ati idajọ, o ṣe itẹwọgba fun Oluwa jù ẹbọ lọ.

³ To do justice and judgment is more acceptable to the LORD than sacrifice.

⁴ Gangan oju, ati igberaga aiya, ati itulẹ̀ enia buburu, ẹ̀ṣẹ ni.

⁴ An high look, and a proud heart, and the plowing of the wicked, is sin.

⁵ Ìronu alãpọn si kiki ọ̀pọ ni; ṣugbọn ti olukuluku ẹniti o yara, si kiki aini ni.

⁵ The thoughts of the diligent tend only to plenteousness; but of every one that is hasty only to want.

⁶ Ini iṣura nipa ahọn eke, o jẹ ẽmi ti a ntì sihin tì sọhun lọwọ awọn ti nwá ikú kiri.

⁶ The getting of treasures by a lying tongue is a vanity tossed to and fro of them that seek death.

⁷ Iwa-agbara awọn enia buburu ni yio pa wọn run: nitori ti nwọn kọ̀ lati ṣe idajọ.

⁷ The robbery of the wicked shall destroy them; because they refuse to do judgment.

⁸ Ẹnikẹni ti o nrìn ọ̀na ayidayida, enia buburu ni; ṣugbọn oninu funfun ni iṣẹ rẹ̀ tọ́.

⁸ The way of man is froward and strange: but as for the pure, his work is right.

⁹ O san lati joko ni igun òke àja, jù pẹlu onija obinrin lọ ninu ile ajumọgbe.

⁹ It is better to dwell in a corner of the housetop, than with a brawling woman in a wide house.

¹⁰ Ọkàn enia buburu nwá ibi kiri: aladugbo rẹ̀ kò ri ojurere li oju rẹ̀.

¹⁰ The soul of the wicked desireth evil: his neighbour findeth no favour in his eyes.

¹¹ Nigbati a ba jẹ ẹlẹgàn ni ìya, a sọ òpe di ọlọgbọ́n: nigbati a ba si nkọ́ ọlọgbọ́n, on o ma ni ìmọ.

¹¹ When the scorner is punished, the simple is made wise: and when the wise is instructed, he receiveth knowledge.

¹² Olododo kiyesi ile enia buburu: pe ẹnikan wà ti yio bì enia buburu ṣubu sinu iparun.

¹² The righteous man wisely considereth the house of the wicked: but God overthroweth the wicked for their wickedness.

¹³ Ẹnikẹni ti o ba di eti rẹ̀ si igbe olupọnju, ontikararẹ̀ yio ke pẹlu: ṣugbọn a kì yio gbọ́.

¹³ Whoso stoppeth his ears at the cry of the poor, he also shall cry himself, but shall not be heard.

¹⁴ Ọrẹ ikọkọ, o tù ibinu: ati ẹ̀bun ni iṣẹpo-aṣọ, o tù ibinu lile.

¹⁴ A gift in secret pacifieth anger: and a reward in the bosom strong wrath.

¹⁵ Ayọ̀ ni fun olododo lati ṣe idajọ: ṣugbọn iparun ni fun awọn oniṣẹ ẹ̀ṣẹ.

¹⁵ It is joy to the just to do judgment: but destruction shall be to the workers of iniquity.

¹⁶ Ẹniti o ba yà kuro li ọ̀na oye, yio ma gbe inu ijọ awọn okú.

¹⁶ The man that wandereth out of the way of understanding shall remain in the congregation of the dead.

¹⁷ Ẹniti o ba fẹ afẹ, yio di talaka: ẹniti o fẹ ọti-waini pẹlu ororo kò le lọrọ̀.

¹⁷ He that loveth pleasure shall be a poor man: he that loveth wine and oil shall not be rich.

¹⁸ Enia buburu ni yio ṣe owo-irapada fun olododo, ati olurekọja ni ipò ẹni diduro-ṣinṣin.

¹⁸ The wicked shall be a ransom for the righteous, and the transgressor for the upright.

¹⁹ O san lati joko li aginju jù pẹlu onija obinrin ati oṣónu lọ.

¹⁹ It is better to dwell in the wilderness, than with a contentious and an angry woman.

²⁰ Iṣura fifẹ ati ororo wà ni ibugbe ọlọgbọ́n; ṣugbọn enia aṣiwère ná a bajẹ.

²⁰ There is treasure to be desired and oil in the dwelling of the wise; but a foolish man spendeth it up.

²¹ Ẹniti o ba tẹle ododo ati ãnu, a ri ìye, ododo, ati ọlá.

²¹ He that followeth after righteousness and mercy findeth life, righteousness, and honour.

²² Ọlọgbọ́n gùn odi ilu awọn alagbara, a si fi idi agbara igbẹkẹle rẹ̀ jalẹ̀.

²² A wise man scaleth the city of the mighty, and casteth down the strength of the confidence thereof.

²³ Ẹnikẹni ti o ba pa ẹnu ati ahọn rẹ̀ mọ́, o pa ọkàn rẹ̀ mọ́ kuro ninu iyọnu.

²³ Whoso keepeth his mouth and his tongue keepeth his soul from troubles.

²⁴ Agberaga ati agidi ẹlẹgàn li orukọ rẹ̀, ẹniti nhùwa ninu ibinu pupọpupọ.

²⁴ Proud and haughty scorner is his name, who dealeth in proud wrath.

²⁵ Ifẹ ọlẹ pa a; nitoriti, ọwọ rẹ̀ kọ̀ iṣẹ ṣiṣe.

²⁵ The desire of the slothful killeth him; for his hands refuse to labour.

²⁶ O nfi ilara ṣojukokoro ni gbogbo ọjọ: ṣugbọn olododo a ma fi funni kì si idawọduro.

²⁶ He coveteth greedily all the day long: but the righteous giveth and spareth not.

²⁷ Ẹbọ enia buburu, irira ni: melomelo ni nigbati o mu u wá ti on ti ìwakiwa rẹ̀?

²⁷ The sacrifice of the wicked is abomination: how much more, when he bringeth it with a wicked mind?

²⁸ Ẹlẹri eke yio ṣegbe: ṣugbọn ẹniti o gbọ́, yio ma sọ̀rọ li aiyannu.

²⁸ A false witness shall perish: but the man that heareth speaketh constantly.

²⁹ Enia buburu gbè oju rẹ̀ le: ṣugbọn ẹni iduro-ṣinṣin li o nmu ọ̀na rẹ̀ tọ̀.

²⁹ A wicked man hardeneth his face: but as for the upright, he directeth his way.

³⁰ Kò si ọgbọ́n, kò si imoye, tabi ìgbimọ si Oluwa.

³⁰ There is no wisdom nor understanding nor counsel against the LORD.

³¹ A mura ẹṣin silẹ de ọjọ ogun: ṣugbọn iṣẹgun lati ọwọ Oluwa ni.

³¹ The horse is prepared against the day of battle: but safety is of the LORD.