Proverbs 20 - Listen Online

¹ ẸLẸYA li ọti-waini, alariwo li ọti lile, ẹnikẹni ti a ba fi tanjẹ kò gbọ́n.

¹ Wine is a mocker, strong drink is raging: and whosoever is deceived thereby is not wise.

² Ibẹ̀ru ọba dabi igbe kiniun: ẹnikẹni ti o ba mu u binu, o ṣẹ̀ si ọkàn ara rẹ̀.

² The fear of a king is as the roaring of a lion: whoso provoketh him to anger sinneth against his own soul.

³ Ọlá ni fun enia lati ṣiwọ kuro ninu ìja: ṣugbọn olukuluku aṣiwère ni ima ja ìja nla.

³ It is an honour for a man to cease from strife: but every fool will be meddling.

⁴ Ọlẹ kò jẹ tu ilẹ nitori otutu; nitorina ni yio fi ma ṣagbe nigba ikore, kì yio si ni nkan.

⁴ The sluggard will not plow by reason of the cold; therefore shall he beg in harvest, and have nothing.

⁵ Ìmọ ninu ọkàn enia dabi omi jijin; ṣugbọn amoye enia ni ifà a jade.

⁵ Counsel in the heart of man is like deep water; but a man of understanding will draw it out.

⁶ Ọ̀pọlọpọ enia ni ima fọnrere, olukuluku ọrẹ ara rẹ̀: ṣugbọn olõtọ enia tani yio ri i.

⁶ Most men will proclaim every one his own goodness: but a faithful man who can find?

⁷ Olõtọ enia nrìn ninu iwa-titọ rẹ̀: ibukún si ni fun awọn ọmọ rẹ̀ lẹhin rẹ̀!

⁷ The just man walketh in his integrity: his children are blessed after him.

⁸ Ọba ti o joko lori itẹ́ idajọ, o fi oju rẹ̀ fọ́n ìwa-ibi gbogbo ka.

⁸ A king that sitteth in the throne of judgment scattereth away all evil with his eyes.

⁹ Tali o le wipe, Mo ti mu aiya mi mọ́, emi ti mọ́ kuro ninu ẹ̀ṣẹ mi?

⁹ Who can say, I have made my heart clean, I am pure from my sin?

¹⁰ Ìwọn miran, ati òṣuwọn miran, bakanna ni mejeji ṣe irira loju Oluwa.

¹⁰ Divers weights, and divers measures, both of them are alike abomination to the LORD.

¹¹ Iṣe ọmọde pãpa li a fi imọ̀ ọ, bi ìwa rẹ̀ ṣe rere ati titọ.

¹¹ Even a child is known by his doings, whether his work be pure, and whether it be right.

¹² Eti igbọ́ ati oju irí, Oluwa li o ti dá awọn mejeji.

¹² The hearing ear, and the seeing eye, the LORD hath made even both of them.

¹³ Máṣe fẹ orun sisùn, ki iwọ ki o má ba di talaka; ṣi oju rẹ, a o si fi onjẹ tẹ ọ lọrùn.

¹³ Love not sleep, lest thou come to poverty; open thine eyes, and thou shalt be satisfied with bread.

¹⁴ Kò ni lãri, kò ni lãri li oníbárà iwi; ṣugbọn nigbati o ba bọ si ọ̀na rẹ̀, nigbana ni iṣogo.

¹⁴ It is naught, it is naught, saith the buyer: but when he is gone his way, then he boasteth.

¹⁵ Wura wà ati iyùn ọ̀pọlọpọ: ṣugbọn ète ìmọ, èlo iyebiye ni.

¹⁵ There is gold, and a multitude of rubies: but the lips of knowledge are a precious jewel.

¹⁶ Gba aṣọ rẹ̀, nitori ti o ṣe onigbọwọ fun alejo, si gba ohun ẹrí lọwọ rẹ̀ fun ajeji obinrin.

¹⁶ Take his garment that is surety for a stranger: and take a pledge of him for a strange woman.

¹⁷ Onjẹ ẹ̀tan dùn mọ enia; ṣugbọn nikẹhin, ẹnu rẹ̀ li a o fi tarã kún.

¹⁷ Bread of deceit is sweet to a man; but afterwards his mouth shall be filled with gravel.

¹⁸ Igbimọ li a fi ifi idi ete gbogbo kalẹ: ati pẹlu èro rere ni ki o ṣigun.

¹⁸ Every purpose is established by counsel: and with good advice make war.

¹⁹ Ẹniti o ba nkiri bi olofofo a ma fi ọ̀ran ìkọkọ hàn: má si ṣe ba ẹniti nṣi ète rẹ̀ ṣire.

¹⁹ He that goeth about as a talebearer revealeth secrets: therefore meddle not with him that flattereth with his lips.

²⁰ Ẹnikẹni ti o ba bú baba rẹ̀ tabi iya rẹ̀, fitila rẹ̀ li a o pa ninu òkunkun biribiri.

²⁰ Whoso curseth his father or his mother, his lamp shall be put out in obscure darkness.

²¹ Ogún ti a yara jẹ latetekọṣe, li a kì yio bukún li opin rẹ̀.

²¹ An inheritance may be gotten hastily at the beginning; but the end thereof shall not be blessed.

²² Iwọ máṣe wipe, Emi o gbẹsan ibi; ṣugbọn duro de Oluwa, on o si gbà ọ.

²² Say not thou, I will recompense evil; but wait on the LORD, and he shall save thee.

²³ Ìwọn miran, ati òṣuwọn miran, irira ni loju Oluwa; ìwọn irẹjẹ kò si dara.

²³ Divers weights are an abomination unto the LORD; and a false balance is not good.

²⁴ Irin ti enia nrìn, lati ọdọ Oluwa ni; tani ninu awọn enia ti o le mọ̀ ọ̀na rẹ̀?

²⁴ Man's goings are of the LORD; how can a man then understand his own way?

²⁵ Idẹkùn ni fun enia lati yara ṣe ileri mimọ́, ati lẹhin ẹjẹ́, ki o ma ronu.

²⁵ It is a snare to the man who devoureth that which is holy, and after vows to make inquiry.

²⁶ Ọlọgbọ́n ọba a tú enia buburu ka, a si mu ayika-kẹkẹ́ rẹ̀ kọja lori wọn.

²⁶ A wise king scattereth the wicked, and bringeth the wheel over them.

²⁷ Ẹmi enia ni fitila Oluwa, a ma ṣe awari iyara inu.

²⁷ The spirit of man is the candle of the LORD, searching all the inward parts of the belly.

²⁸ Anu ati otitọ pa ọba mọ́: ãnu li a si fi ndi itẹ́ rẹ̀ mu.

²⁸ Mercy and truth preserve the king: and his throne is upholden by mercy.

²⁹ Ogo awọn ọdọmọkunrin li agbara wọn: ẹwà awọn arugbo li ewú.

²⁹ The glory of young men is their strength: and the beauty of old men is the gray head.

³⁰ Apá ọgbẹ ni iwẹ̀ ibi nù kuro: bẹ̃ si ni ìna ti o wọ̀ odò ikùn lọ.

³⁰ The blueness of a wound cleanseth away evil: so do stripes the inward parts of the belly.