Lamentations 5 - Listen Online

¹ RANTI, Oluwa, ohun ti o de sori wa; rò ki o si wò ẹ̀gan wa!

¹ Remember, O LORD, what is come upon us: consider, and behold our reproach.

² A fi ogún wa le awọn alejo lọwọ, ile wa fun awọn ajeji.

² Our inheritance is turned to strangers, our houses to aliens.

³ Awa jẹ alaini obi, baba kò si, awọn iyá wa dabi opó.

³ We are orphans and fatherless, our mothers are as widows.

⁴ Awa ti fi owo mu omi wa; a nta igi wa fun wa.

⁴ We have drunken our water for money; our wood is sold unto us.

⁵ Awọn ti nlepa wa sunmọ ọrùn wa: ãrẹ̀ mu wa, awa kò si ni isimi.

⁵ Our necks are under persecution: we labour, and have no rest.

⁶ Awa ti fi ọwọ wa fun awọn ara Egipti, ati fun ara Assiria, lati fi onjẹ tẹ́ wa lọrùn.

⁶ We have given the hand to the Egyptians, and to the Assyrians, to be satisfied with bread.

⁷ Awọn baba wa ti ṣẹ̀, nwọn kò si sí; awa si nrù aiṣedede wọn.

⁷ Our fathers have sinned, and are not; and we have borne their iniquities.

⁸ Awọn ẹrú ti jọba lori wa: ẹnikan kò si gbà wa kuro li ọwọ wọn.

⁸ Servants have ruled over us: there is none that doth deliver us out of their hand.

⁹ Ninu ewu ẹmi wa li awa nlọ mu onjẹ wa, nitori idà ti aginju.

⁹ We gat our bread with the peril of our lives because of the sword of the wilderness.

¹⁰ Àwọ wa pọ́n gẹgẹ bi àro nitori gbigbona ìyan na.

¹⁰ Our skin was black like an oven because of the terrible famine.

¹¹ Nwọn tẹ́ awọn obinrin li ogo ni Sioni, awọn wundia ni ilu Juda.

¹¹ They ravished the women in Zion, and the maids in the cities of Judah.

¹² A so awọn ijoye rọ̀ nipa ọwọ wọn: a kò buyin fun oju awọn àgbagba.

¹² Princes are hanged up by their hand: the faces of elders were not honoured.

¹³ Awọn ọdọmọkunrin ru ọlọ, ãrẹ̀ mu awọn ọmọde labẹ ẹrù-igi.

¹³ They took the young men to grind, and the children fell under the wood.

¹⁴ Awọn àgbagba dasẹ kuro li ẹnu-bode, awọn ọdọmọkunrin kuro ninu orin wọn.

¹⁴ The elders have ceased from the gate, the young men from their musick.

¹⁵ Ayọ̀ ọkàn wa ti dá; a yi ijo wa pada si ọ̀fọ.

¹⁵ The joy of our heart is ceased; our dance is turned into mourning.

¹⁶ Ade ṣubu kuro li ori wa: ègbe ni fun wa, nitori awa ti ṣẹ̀.

¹⁶ The crown is fallen from our head: woe unto us, that we have sinned!

¹⁷ Nitori eyi li ọkàn wa rẹ̀wẹsi; nitori nkan wọnyi oju wa di baibai.

¹⁷ For this our heart is faint; for these things our eyes are dim.

¹⁸ Nitori oke Sioni, ti dahoro, awọn kọ̀lọkọlọ nrin lori rẹ̀.

¹⁸ Because of the mountain of Zion, which is desolate, the foxes walk upon it.

¹⁹ Iwọ, Oluwa, li o wà lailai; itẹ́ rẹ lati iran de iran!

¹⁹ Thou, O LORD, remainest for ever; thy throne from generation to generation.

²⁰ Ẽṣe ti iwọ fi gbagbe wa lailai, ti o si kọ̀ wa silẹ li ọjọ pipẹ?

²⁰ Wherefore dost thou forget us for ever, and forsake us so long time?

²¹ Oluwa, yi wa pada sọdọ rẹ, awa o si yipada; sọ ọjọ wa di ọtun gẹgẹ bi ti igbãni.

²¹ Turn thou us unto thee, O LORD, and we shall be turned; renew our days as of old.

²² Tabi iwọ ha ti kọ̀ wa silẹ patapata, tobẹ̃ ti iwọ si binu si wa gidigidi?

²² But thou hast utterly rejected us; thou art very wroth against us.