Zechariah 6

¹ I get another vision. This time I see four chariots wey dey come out between two bronze mountains.

2-4 Na red horses dey pull the first chariot, black horses dey pull the second chariot, white horses dey pull the third chariot, and dappled horses dey pull the fourth chariot. I con ask the angel say, “Sir, wetin these chariots mean?”

⁵ He talk say, “These na the four winds; dem just dey come from the presence of the Lord of all earth.”

⁶ The chariot wey the black horses pull dey go north to Babylonia, the white horses dey go west, and the dappled horses dey go the country for south.

⁷ As the dappled horses come out, dem no fit wait go check the earth. The angel talk say, go and check the earth!” – and dem go.

⁸ Then the angel cry to me say, “The horses wey go north to Babylonia don calm God anger down.”

⁹ God give me this message.

¹⁰ He talk say, “Take the gifts wey Heldai, Tobijah, and Jedaiah give, and rush go house of Josiah wey be son of Zephaniah. All these men just dey return from strange land in Babylonia.

¹¹ Use the silver and gold wey dem give to make crown, and put the crown for the head of the High priest, Joshua wey be son of Jehozadak.

¹² Tell him that Almighty God talk say, ‘The man wey dem dey call The Branch go flourish where he dey and he go rebuild God Temple.

¹³ He be the one wey go build am and receive the honor wey king suppose receive, and he go rule him people. A priest go stand by him throne, and dem go work together in peace and unity.’.

¹⁴ The crown go be memorial for my Temple to honor Heldai, Tobijah, Jedaiah, and Josiah.

¹⁵ Men wey live for far away go come help rebuild the Temple of God. And when e don finish, una go know say Almighty God send me to una. All this go happen if una fully obey the commands of the LORD una God.