Psalms 36

¹ Sin dey speak deep inside the wicked heart; dem dey reject God and dem no dey appreciate him.

² Because dem dey think high of themselves, dem think say God no go know about there sin and condemn am.

³ Na wicked talk dem dey talk and na lie full inside; dem no dey do wetin dey wise and good again.

⁴ As dem dey lie on top their bed dem dey make evil plan; nothing wey dem dey do dey good. And dem no dey reject any evil thing.

⁵ LORD, your constant love dey reach heaven; your faithfulness dey reach sky.

⁶ Your righteousness dey high like mountain; your justice be like depth of the sea. People and animal dey for your care.

⁷ O LORD, your constant love dey precious! We dey find protection under the shadow of your wings.

⁸ We dey chop from plenty food wey you provide; and you allow us drink from river of your goodness.

⁹ Na you be the source of all life, and na your light dey make us dey see light.

¹⁰ Continue dey love those wey know you and do good to those wey dey righteous.

¹¹ No allow people wey dey proud attack me or wicked people make me run commot.

¹² See where evil people don fall. Dem dey lie for there, dem no fit stand up.