Nigerian Pidgin Bible
Psalms 146
1 Praise the LORD! Praise the LORD, my soul!
2 I go praise him as long say I dey alive; I go sing to my God all my life.
3 No put your trust in human being leader; no human being fit save you.
4 When dem die, dem dey return to sand; na that day their plans go end.
5 Those wey get God of Jacob to dey help them na happy people and wey dey depend on the LORD their God.
6 Na God be the one wey create heaven, earth, and sea, and everything wey dey live inside them. He dey always keep him promise;
7 He dey judge to favor the poor and he dey give hungry people food. God dey free prisoner.
8 He dey make blind see. He dey lift those wey fall; he love him righteous people.
9 He dey protect strangers wey dey live for our land; he dey help widows and orphan; but he dey destroy the wicked.
10 The LORD na king forever. O Zion, una God go reign for all time. Praise the LORD!