Psalms 10

¹ Why you dey far away, O LORD? Why you dey hide yourself when we dey for trouble?

² The wicked dey proud and dem dey oppress the poor; catch them for the trap wey dem make.

³ The wicked dey happy for the evil wey dem dey do; the greedy dey curse and dem reject the LORD.

⁴ The wicked no care about God; for their pride dem think say God no matter.

⁵ The wicked dey succeed for everything. Dem no fit understand God judgement; dem dey mock their enemy.

⁶ Dem dey tell themselves say, ‘’I no go ever fail; I no go ever dey for trouble”

⁷ Their talk dey full of curses, lies and threats, dem dey quick to speak hate and evil words.

⁸ Dem dey hide themselves for villages, dey wait to kill innocent people. Dem dey watch helpless victim;

⁹ dem dey wait for hidden places like lions. Dem lie and wait for poor people; dem catch them for their trap and drag them away.

¹⁰ Dem dey hurt people wey don weak and dem dey suffer again and again .

¹¹ The wicked tell themselves say, ‘’God no care; He don close him eye and him no go ever see me’’

¹² O LORD, make you punish this wicked people! Remember those wey dey suffer.

¹³ How the wicked fit hate God and tell themselves say, “He no go punish me”?

¹⁴ But you dey see; you dey take notice of trouble and suffer and you dey ready to help always. The helpless dey commit themselves to you; you dey always help the poor.

¹⁵ Make you break the power of wicked and evil people; punish them for the bad thing wey dem don do until dem no do am again.

¹⁶ God na King for ever and ever. Those wey dey worship other gods go disappear from him land.

¹⁷ O LORD, you go listen to the prayer of the humble; and u go give them courage.

¹⁸ You go hear the cry of the oppressed and orphans; you go judge in their favor, so that ordinary men no go cause trouble again.