Proverbs 29

¹ If you dey become stubborn every time wey dem correct you, one day you go break and nobody go dey to repair the damage.

² Show me a good ruler and I go show you a happy people. Show me a wicked ruler and I go show you sad people.

³ If you dey appreciate wisdom, your papa go dey proud of you. Person wey dey waste money on top prostitutes go lose him wealth.

⁴ When the king dey concern with justice, the nation go dey strong, but when e be say na only money concern am, he go destroy him country.

⁵ If you dey give false praise to your friends, you dey set trap for yourself.

⁶ Na the sin of evil people dey defeat them, but honest people go sing and be happy.

⁷ A good person dey know the right of the poor, but wicked people no fit understand that kind thing.

⁸ People wey no get respect for others fit divide all cities, but wise people dey keep things calm.

⁹ If person wey wise try settle problem with a fool, the fool go argue and say stupid things, he no go ever gree.

¹⁰ People wey dey kill dey hate anyone wey dey honest, but righteous people go wan be friends with that kind person.

¹¹ Stupid people dey show their anger for public, but people wey get sense dey get patience and control themselves.

¹² If a ruler dey pay attention to lies, all him official go become liars.

¹³ A poor person and person wey dey steal from him get one thing in common – na God create both of them.

¹⁴ If the king dey defend the right of the poor, he go rule for a long time.

¹⁵ Correction and discipline fit make pikin wise, but pikin wey no get correction go bring shame to him mama.

¹⁶ When evil people dey for power, crime dey increase. But the righteous go live to see the downfall of those kind people.

¹⁷ Make you discipline your children and you go always dey proud of them. Dem no go ever give you reason for shame.

¹⁸ If a nation no get guidance of God, the people no go get self-control, but the nation wey obey the law of God go dey happy.

¹⁹ Servants no go learn lesson if you only dey follow them talk. Dem fit understand you, but dem no go obey.

²⁰ Plenty hope still dey for stupid fool pass person wey no dey think before he talk.

²¹ If you dey give your servant everything wey dem want from childhood, someday dem go take over everything wey you get.

²² People wey get quick tempers dey cause plenty augument and trouble.

²³ Strong-head go bring your downfall, but if you dey humble, people go respect you.

²⁴ If you take part in a crime, na you be the enemy of yourself. You no go fit tell the truth even when people threaten you.

²⁵ Fear fit be a trap, but if you trust the LORD, you go dey safe.

²⁶ Na everybody want friendship of the ruler, but na only from God you fit get justice.

²⁷ The righteous dey hate the wicked, and the wicked dey hate the righteous.